skol
Kigali

Perezida Nkurunziza yasabye inama ya EAC yo kwiga ku mubano w’ u Rwanda n’ u Burundi

Amakuru   Yanditswe na: Nsanzimana Ernest 7 December 2018

Perezida w’ u Burundi Pierre Nkurunziza yandikiye umuhuza w’Abarundi Kaguta Yoweri Museveni amusaba gukoranya inama idasanzwe y’abakuru b’ibihugu bigize Umuryango w’ Afurika y’ Iburasirazuba yo gutorera umuti umubano utifashe neza hagati y’igihugu cye n’u Rwanda.


Mu ibaruwa yandikiye Perezida Museveni, Perezida Nkurunziza yavuze ko rutera umudugararo mu Burundi rurenze ku ngingo ya gatandatu y’amasezerano ya EAC.

Nk’ uko BBC yabitangaje bimwe mu byo Nkurunziza yavuze ko bigaragaza uruhare rw’ u Rwanda mu kubangamira amahoro n’umutekano mu Burundi harimo, ibitero bibiri byabitwaje intwaro avuga ko bagiye bava muri icyo gihugu muri Mutarama na Nyakanga 2015.

Hari kandi ngo no guha indaro abashatse guhirika ubutegetsi muri 2015.

Iyo baruwa igira iti "Twasabye ikipe idafite aho ibogamiye kuza guhinyuza (Verification Team) ibyo tuvuga uraza mu Burundi, ariko u Rwanda ruyangira gukandagiza ikirenge muri icyo gihugu”.

"Habaye ibitero bivuye mu Rwanda i Mugina mu ntara ya Cibitoke, Kabarore mu Kayanza hamwe na Ruhagarika mu ntara ya Cibitoke. Turasaba EAC kugira icyo ikora ku buzima bw’ Abarundi bahagandaguriwe."

Iyo baruwa ivuga kandi ko hari ibyemeza ko u Rwanda rufasha abaRwanya u Burundi haba muri politike, mu gisirikare no mubyo kubashakira imfashanyo bari kumwe n’igihugu cy’ u Bubiligi.

Ibyo kandi bavuga ko babimenyesheje amashyirahamwe atandukanye arimo ishyirahamwe ry’ibihugu byo mu karere ko mu k’ Uburasirazuba bwa Afurika ( EAC), iry’ ibihugu bihurikiye mu karere k’ibiyaga bigari (ICGR), ishirahamwe ry’ubumwe bwa Afrika (UA) Umuryango w’ Abibumbye.

U Rwanda ngo rwamaze kuvogera ikirere cy’ Burundi nk’uko byemejwe n’ikipe yakoze ihinyuza (Joint Extended Verification Mechanism) tariki 16 Kanama 2018.

Perezida Nkurunziza ahakana yivuye inyuma ko adashobora kwicarana n’abashatse kumuhirika ku butegetsi.

Kuva muri 2015 ubwo Perezida Nkurunziza yatangazaga ko aziyamamariza manda ya 3 umubano w’ u Rwanda n’ u Burundi wajemo agatotsi. Kugeza ubu imvano y’ ako gatotsi ntabwo iramenyekana.

Ibyo u Burundi bushinja u Rwanda byo gucumbikira abashatse guhirika ubutegetsi bwa Nkurunziza no kuba rufasha abashaka guhungabanya umutekano muri iki gihugu kiri mu magepfo y’ u Rwanda, u Rwanda rurabihaka.

Nubwo Nkurunziza avuga ko u Rwanda rwagabye ibitero mu Burundi , ku rundi ruhande u Rwanda narwo rwatangaje ko abagabye igitero I Nyaruguru baturutse I Burundi.

Author : Nsanzimana Ernest

Nsanzimana Ernest ni Umwanditsi w’Ikinyamakuru Umuryango. Afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Who are you?

    Amategeko n'amabwiriza birkurikizwa


  • chat_bubble gakuba

    ubwo wenda afite ibimenyetso byabo yafatiye yo!! nibiba ubwo azasobanura nabanya Rwanda biciwe muburundi azavuge, no ku mpunzi zabarundi bamaze abantu muli genocide bose bo mwishyaka rye!

    December 2018

Inzindi nkuru

RDC yiyemeje gufatira ingamba zisumbuye u Rwanda ishinja gufasha...

Umuvugizi wa Guverinoma ya Repubulika ya Demokarasi ya Congo, Patrick...
23 June 2022 1

Abaturage bo mu burasirazuba bwa Congo bandikiye Perezida Tshisekedi ko...

Bamwe mu baturage bo mu burasirazuba bwa Congo bamaganye icyemezo cyohereza...
22 June 2022 0

M23 yatangaje ko ibiganiro na leta aribyo bizatuma irekura Bunagana

Umutwe w’inyeshyamba wa 23 uvuga ko wakiriye neza umwanzuro w’inama y’abakuru...
22 June 2022 0

"Afurika yafashwe bugwate mu ntambara y’Uburusiya kuri Ukraine" –Perezida wa...

Perezida wa Ukraine Volodymyr Zelensky yavuze ko Afurika "yafashwe bugwate"...
21 June 2022 0

Perezida w’u Burundi n’uwa Uganda bitabiriye inama yiga ku bibazo bya RDC i...

Perezida w’u Burundi, Evariste Ndayishimiye na mugenzi we wa Uganda Yoweli...
20 June 2022 0

Ububirigi buratanga ku mugaragaro ibisigazwa bya Lumumba

Kuri uyu wa mbere, nibwo biteganijwe ko umuryango w’uwahoze ari minisiteri...
20 June 2022 0