Perezida Paul Kagame yageze i Nairobi muri Kenya, aho yitabiriye inama yiga ku ihindagurika ry’ikirere izamara iminsi itatu.

Ni inama biteganijwe ko yitabirwa n’abakuru b’ibihugu n’aba za Guverinoma basaga 20 , bakakirwa na Perezida William Ruto uyitangiza ku mugaragaro muri Kenya.

Ni inama yateguwe n’Umuryango wa Afurika yunze Ubumwe ufatanyije na Guverinoma ya Kenya.

Raporo yakozwe n’Umuryango w’Abibumbye mu mwaka ushize wa 2022, yagaragaje ko ku Isi hose ababarirwa muri miliyoni 17 bagezweho n’ingaruka z’ihindagurika ry’ikirere zirimo amapfa, inkongi z’umuriro ndetse n’imyuzure.

Iyo raporo ivuga ko ababarirwa muri miliyoni 7 bavuye mu byabo kubera kwibasirwa n’ibiza, mu gihe ababarirwa muri miliyoni 140 bafite ikibazo cy’ibiribwa bike bitewe n’ingaruka z’imihindagurikire y’ikirere.

President Kagame has arrived in Nairobi, where he joins President @WilliamsRuto of Kenya, other Heads of State and Government, and climate change campaigners for the Africa Climate Summit. The inaugural 3-day Summit is co-hosted by the African Union Commission and the Government… pic.twitter.com/vx93i6fOXS

— Presidency | Rwanda (@UrugwiroVillage) September 5, 2023