skol
Kigali

Perezida Samia Suluhu yasuye u Burundi mu rugendo rw’iminsi ibiri

Amakuru   Yanditswe na: Dusingizimana Remy 16 July 2021

Perezida wa Tanzania, Samia Suluhu Hassan, yageze mu Burundi kuri uyu wa gatanu mu rugendo rw’iminsi ibiri, urugendo rwari rwitezwe cyane muri iki gihugu.


Kuva ageze ku butegetsi, Madamu Samia Suluhu amaze kugenderera ibihugu bya Uganda na Kenya, anitabira n’inama yihutirwa y’umuryango SADC muri Mozambique.

Kugenderera Uburundi bishimangira umubano ukomeye hagati y’amashyaka CCM rya Tanzania na CNDD-FDD w’i Burundi, no gukomeza umubano uri hagati y’ubutegetsi bwombi.

Ku butumire bwa mugenzi we Evariste Ndayishimiye, Samia Suluhu yajyanye i Burundi n’itsinda rinini ry’abaherwe b’Abanya Tanzania kugira ngo barebe amahirwe yo gushora imari yabo mu Burundi.

Azanitabira inama y’abacuruzi b’Abarundi n’Abanya Tanzania "igamije kurebera hamwe ibibazo bimwe na bimwe bijyanye n’ubucuruzi" hagati y’ibi bihugu, nk’uko itangazo ry’ibiro bya perezida wa Tanzania ribivuga.

Bamwe mu bacuruzi ba Tanzania baje muri iyi nama izabahuza n’ab’i Burundi ku wa gatandatu.

Uretse ibiganiro bihuza Ndayishimiye na Samia Suluhu biteganyijwe ko bazaha ikiganiro abamenyamakuru.

Ubutegetsi bwa Tanzania n’ubw’Uburundi busanzwe bufitanye umubano ukomeye. Tanzania nicyo gihugu cya mbere Perezida Ndayishimiye yagendereye amaze kugera ku butegetsi atsinze amatora yo mu mwaka ushize.

Ari i Kigoma mu kwezi kwa cyenda 2020,Ndayishimiye yatangaje bamwe aho yavuze ati:

"Tanzania ni nk’ababyeyi ku Burundi kuko bafashije guharanira ubwigenge bwacu... Simfata Perezida Magufuli nk’umuturanyi cyangwa inshuti, ahubwo ni nk’umubyeyi wanjye."

Perezida Suluhu na Ndayishimiye bombi baracyari bashya ku butegetsi kuko Ndayishimiye w’imyaka 53 abumazeho umwaka umwe mu gihe Samia Suluhu w’imyaka 61 abumazeho amezi ane gusa.

Mu gihe gito bamaze ku butegetsi, Ndayishimiye na Samia Suluhu bateye intambwe ikomeye mu kunoza ububanyi n’amahanga aho bashaka umubano mwiza mu bindi bihugu.

Urugendo rwa Samia Suluhu Hassan mu Burundi rwitezwe gushimangira umubano umaze igihe kirekire waranze ibi bihugu.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Byinshi ku buzima bwa Muammar Gaddafi waranze amateka ya Libya umaze imyaka...

Imyaka 10 irashize Col Muammar Gaddafi yishwe n’abamurwanya bigaragambije mu...
20 October 2021 0

Umwirabura wa mbere wakuriye ububanyi n’amahanga bwa US yapfuye

General Colin Powell, umwirabura wa mbere wabaye ushinzwe ububanyi...
18 October 2021 0

Perezida Kim Jong-un yarahiye kubaka igisirikare cyo kwivuna imigambi yose...

Perezida wa Korea ya Ruguru yarahiye ko azubaka "igisirikare kidatsindwa"...
12 October 2021 0

IBYAKOZWE N’INTUMWA EP#49: Ubuzima bwa Gen Bosco NTAGANDA uzwi nk’umwicanyi...

Mu kiganiro IBYAKOZWE N’INTUMWA EP#49 kigaruka ku buzima bw’Indwanyi,Gen...
12 October 2021 0

Perezida wa Taiwan yavuze ko biteguye guhangana n’Ubushinwa

Perezida Tsai Ing-wen avuga ko Taiwan itazagamburuzwa n’igitutu iri kotswa...
10 October 2021 0

Inteko ya EU yamaganye yasabye ko Rusesabagina ahita arekurwa

Inteko ishingamategeko y’Ubumwe bw’Uburayi (EU) kuwa kane yamaganye urubanza...
8 October 2021 0