Muri Repubulika ya Demokarasi ya Congo (DRC), Umushinjacyaha Mukuru mu Rukiko rw’Iremezo rw’umurwa mukuru, Kinshasa, arasaba ko hashakishwa byimazeyo abatorotse bava muri Gereza Nkuru ya Makala ku itariki ya 1 Nzeri 2024.

Sponsored Ad

Bagomba “gufatwa” no “kuzanwa imbere y’inkiko zibifitiye ububasha ”nk’uko yabisabye umucamanza.

Ni Umuhamagaro uje mu gihe havugwa amakimbirane hagati y’ubucamanza na Minisitiri w’ubutabera, Constant Mutamba nk’uko iyi nkuru dukesha RFI ivuga.

Nubwo Guverinoma ya Repubulika ya Demokarasi ya Congo itigeze yemeza ko hari abantu batorotse ku itariki ya 1 Nzeri 2024, hari abashinzwe umutekano ndetse n’inzego za leta bemeza ko koko habaye gutoroka.

Kuri ibyo hiyongereyeho, nk’uko inyandiko z’Umushinjacyaha Mukuru mu Rukiko rw’Iremezo zibitangaza, abatorotse bava muri iyi gereza “hadakurikijwe amategeko yose”.

Umushinjacyaha Firmin M’vonde avuga ko yavuze, mu byumweru hafi bitatu bishize ati: "twabonye ko mu mujyi wa Kinshasa hongeye kugaragara ibibazo byo kwambura abantu, ubujura ndetse n’ibitero ku buzima bwa muntu."

Aha avuga dosiye y’umwicanyi wakatiwe urwo gupfa ariko arekurwa nyuma y’amezi make. Nyuma yaje gufatwa azira gushaka kwica. Indi dosiye kuri iyi nshuro ni umucamanza wakatiwe igifungo cy’imyaka itatu muri Mutarama ariko ava muri gereza nyuma y’amezi umunani.

Guhangana

Amakuru aturuka muri Kinshasa avuga ko inyuma y’izi nyandiko, hari amakimbirane hagati y’abacamanza na Minisitiri w’ubutabera, Constant Mutamba, bivugwa ko ari inyuma y’irekurwa mu kivunge ry’imfungwa zo muri Gereza ya Makala riheruka.

Abegereye minisitiri ariko bavuga ko urutonde rw’imfungwa zirekurwa rutegurwa ku bufatanye bwa komisiyo y’abacamanza n’ubuyobozi bwa gereza.