Ishyaka UDPS rya Felix Tshisekedi uyoboye Repubulika Iharanira Demokarasi ya Congo (RDC) ryirukanye abanyamuryango baryo bane bashinjwa kwigomeka no kugambanira Tshisekedi ngo azatsindwe amatora.

Abirukanywe ni Hubert Mukuna, Joseph Likulia, Jean-Lucien Minga na Augustin Bomba bashinjwa gukora inama rwihishwa igamije gucamo ibice ishyaka UDPS no kurigambanira ngo rizatsindwe amatora ya Perezida ateganyijwe mu Ukuboza uyu mwaka.

Umunyamabanga Mukuru wa UDPS, Augustin Kabuya yabwiye RFI ko abo bantu bashobora no kugezwa mu butabera.

Yavuze ko abo bantu bari barishyuwe n’abandi bantu ngo basenye ishyaka UDPS bari babereye abanyamuryango.