Guverineri w’agateganyo w’Intara ya Kivu y’Amajyaruguru, Gen. Major Cirimwami Nkuba Peter, yavuguruye guverinoma y’intara.

Albanz Kabaya na Madamu Adèle Bazizane, bagizwe umuyobozi mukuru wa cabinet n’umuyobozi mukuru wungirije ba Gen. Major Cirimwami Nkuba Peter nk’uko tubikesha mediacongo.net.

Brig. Gen. Yangba Tene Danny yagizwe umujyanama mukuru ushinzwe ibikorwa, umutekano, ubutasi n’umutekano rusange, naho Eric Kitsa Kalobera yashinzwe kwegereza ubuyobozi abaturage, politiki, ubutabera, ibibazo by’ubutaka, igenamigambi ry’umujyi, imiturire, ibibazo gakondo n’ituze.

Uwitwa Jean Ruyange yagizwe umujyanama mukuru ushinzwe Ingengo y’imari, ubuhinzi, uburobyi, ubworozi bw’amatungo, ingufu, inganda, igenamigambi ry’imicungire y’ubutaka, ibidukikije na mine.

Prisca Kamala Luanda ushinzwe itumanaho n’itangazamakuru, ariko kandi Uburezi, ubuzima, amaposita n’itumanaho, umurimo n’imibereho myiza, imirimo rusange, ibibazo by’imibereho n’ubutabazi, uburinganire, umuryango n’abana, urubyiruko, umuco n’ubuhanzi, siporo n’imyidagaduro.

David Kamuha Musubaho yagumye ku mwanya we nk’umujyanama mukuru ushinzwe imari, ubukungu, ubucuruzi, imirimo ya leta no kwiyubaka, igenamigambi, imishinga mito n’iciriritse no kwihangira imirimo, ubwikorezi n’itumanaho.