Muri Sri Lanka, Minisitiri w’intebe Ranil Wickremesinghe yatangaje ko igihugu kiri mu bihe bidasanzwe, nyuma y’imyigaragabyo yahinduye isura kuri uyu wa 3.

Sponsored Ad

Muri Sri Lanka, Minisitiri w’intebe Ranil Wickremesinghe yatangaje ko igihugu kiri mu bihe bidasanzwe, nyuma y’imyigaragabyo yahinduye isura kuri uyu wa 3.

Televiziyo y’igihugu yakuwe ku murongo, ntabwo iri gutangaza amakuru n’ibiganiro nkuko bisanzwe.

Ni nyuma y’uko hatangajwe amasaha ntaregwa yo kuba abaturage bari mu ngo zabo, mu ntara y’iburengerazuba bw’igihugu.

Mu gitondo cy’uyu munsi, abigaragabya bagabye ibitero ku biro bya minisitiri w’intebe bagerageza kumwinjirana, ariko igipolisi cyirabahagarika.

Abapolisi barashe ibyuka biryana mu maso ku bigaragabya, bababuza kwinjira mu biro bya minisitiri w’intebe.

Ni nyuma y’igihe gito ukuriye inteko ishingamategeko muri iki gihugu, atangaje ko minisitiri w’intebe ariwe ugomba gusimbura Perezida mu buryo bw’agatagenyo.

Uwari usanzwe ari Perezida, Gotabaya Rajapaksa we yamaze guhunga igihugu, kubera imyigaragabyo ikomeye, ikomeje kubera I Colombo mu murwa w’ubucuruzi, ukaba n’umujyi munini wa Sri Lanka.

Bwana Gotabaya yahunze ari kumwe n’umugore we, bari mu ndege yihariye ya gisilikare nkuko byemejwe n’abanyamakuru bari I Colombo.