skol
Kigali

Sudan: Minisitiri w’Intebe agiye gusubizwa ku butegetsi nyuma y’iminsi afunzwe n’igisirikare

Amakuru   Yanditswe na: Dusingizimana Remy 21 November 2021

Minisitiri w’Intebe wa Sudani wari aherutse guhirikwa mu kwezi gushize, Abdalla Hamdok, agiye gusubizwa ubutegetsi, nyuma y’igihe yari amaze mu maboko y’igisirikare cyari cyamukuyeho.

Abahuza bavuga ko abafungiwe ibya politike bose bazarekurwa nk’uko biri mu masezerano yasgezweho hagati y’igisirikare, abategetsi b’abasivili hamwe n’imitwe y’inyeshamba yahoze irwanya leta.

Ku wa 25 z’ukwa cumi, umutegetsi wa gisirikare yatangaje amategeko adasanzwe, kandi ko ubutegetsi bwa gisivili buhagaritswe.

Ibi byatumye haduka imyagaragambyo ikomeye yahitanye abantu batari bake.

Aya masezerano yagezweho nijoro ku wa gatandatu nijoro, akaba yiteze kujya mu bikorwa kuri iki cyumweru, nk’uko byemezwa n’umukuru w’ishyaka Umma Party, Fadlallah Burma Nasir.

Umutwe w’abahuza, wari ugizwe n’abarimu bo mu mashuri ya kaminuza, abanyamakuru n’abanyapolitike, basohoye itangazo ryerekana ibiri muri aya masezerano.

Rivuga ko Minisitiri w’Intebe, Hamdok n’abagize leta ye bafunzwe igihe ubutegetsi bwe bwahirikwaga bazarekurwa kandi ko azahita asubira mu mwanya we.

Rivuga kandi ko amategeko agenga ubutegetsi bw’inzibacyuho bwa Sudani butegura amatora buzasubizwaho.

Abategetsi ba gisirikare n’abasiviLI bumvikanye uburyo basangira ubutegetsi kuva mu kwa munani 2019,nyuma y’aho ubutegetsi bw’uwari ayoboye iki gihugu imyaka myinshi Omar al-Bashir ahirikiwe ku butegetsi.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Burkina Faso: Abasirikare bigometse bemeje ko bahiritse ku butegetsi...

Igisirikare cya Burkina Faso cyatangaje ko cyahiritse ku butegetsi Perezida...
24 January 2022 0

Colombia: Uwigeze gushimutwa n’inyeshyamba aziyamamariza kuba...

Íngrid Betancourt wahoze ari senateri muri Colombia yatangaje ko azongera...
19 January 2022 0

Perezida Kagame yakiriye intumwa idasanzwe ya Perezida Museveni

Kuri uyu wa Mbere tariki ya 17 Mutarama 2022, Perezida Paul Kagame yakiriye...
17 January 2022 1

Abantu bifuje ikintu gikomeye nyuma y’aho umuhungu wa Museveni yise perezida...

Inkuru ikomeje gukwirakwira ku mbuga nkoranyambaga ni ishamikiye ku magambo...
17 January 2022 0

Igenzurwa rya Mubazi ku bamotari ryabaye rihagaritswe nyuma y’aho...

Umwe mu myanzuro yafatiwe mu inama yateranye igitaraganya kubera...
14 January 2022 1

Afurika y’Epfo:Minisitiri yasabye abanyeshuri b’abakobwa ’gufungura ibitabo...

Minisitiri w’ubuzima w’akarere muri Afurika y’epfo yanenzwe bikomeye muri iki...
14 January 2022 0