skol
fortebet

Sudani :Igisirikare cyemeye guha ubutegetsi abasivile

Yanditswe: Tuesday 05, Jul 2022

featured-image

Sponsored Ad

Umutegetsi w’ igisirikare muri Sudan, Jenerali Abdel Fattah al-Burhan, yavuze ko igisirikare kizatuma habaho guverinoma y’abasivile.

Sponsored Ad

Mu ijambo ryanyuze kuri televiziyo y’igihugu, yavuze ko abasirikare batazabangamira inzibacyuho iganisha kuri demokarasi, kandi ko ashishikajwe no gukora ku buryo habaho amatora.

Yashimangiye ko igisirikare kitazongera kuba mu biganiro bigamije kurangiza ibibazo bya politiki by’iki gihugu, umwanya wacyo mu biganiro ukaba wafashwe n’amatsinda y’imiryango idaharanira inyungu za politiki.

Gusa , Jenerali Burhan ntiyavuze igihe uko guhererekanya ububasha bizabera.

Iki ni ikintu kinini igisirikare cyemeye kwigomwa.

Igisirikare kimaze igihe cyotswa igitutu n’abigaragambya baharanira demokarasi, bakomeje gukora imyigaragambyo mu bice bitandukanye by’igihugu.

Igisirikare cyafashe ubutegetsi mu kwezi kwa cumi mu 2021, nyuma yo guhirika guverinoma ya gisivile yari iyobowe na Minisitiri w’intebe Abdalla Hamdok, mbere yuko kimusubiza kuri uwo mwanya mu kwezi kwakurikiyeho.

Mbere y’iki kizere cyanzwe n’igisirikare, muri sudan abategetsi barekuye impirimbanyi 145 zari zafunzwe zifatiwe mu myigaragambyo yo ku itariki 30 y’ukwezi kwa gatandatu.

Abantu barenga 100 ni bo bamaze kwicwa kuva igisirikare cyahirika ubutegetsi mu kwezi kwa cumi mu mwaka ushize.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa