skol
Kigali

U Bufaransa: Nyuma y’amatora harashwe 2 barekezaga hafi y’aho Macron yishimiraga intsinzi

Amakuru   Yanditswe na: Rebecca UFITAMAHORO 25 April 2022

Polisi yo mu gihugu cy’u Bufaransa yarashe abantu babiri bari mu modoka bahita bapfa, nyuma y’amasaha make Perezida Emmanuel Macron amaze gutorerwa manda ya kabiri.


Iyo modoka yari mu Mujyi wa Paris ku kiraro kimaze igihe kirekire kizwi nka Pont Neuf nyuma ya saa sita z’ijoro, yanga guhagarara ubwo yari ageze kuri bariyeri ya polisi.

Ubwo yihuta isatira abapolisi bahise bayirasaho, abantu babiri bari mo imbere bahita bapfa naho uwa gatatu arakomereka nk’uko AFP yabitangaje.

Abarashwe bari mu modoka ya Volkswagen.

Muri kilometero ebyiri hafi aho, Perezida Macron yari arimo kwishimira intsinzi hamwe n’abantu benshi bari bakoranye, nyuma yo guhigika Marine Le Pen.

Ntabwo haratangazwa niba icyo gikorwa hari aho guhuriye n’umugambi wo guhungabanya ibyishimo bya nyuma y’amatora.

Mukerarugendo ukomoka mu Misiri watangaje ko yitwa El Sammak, yavuze ko yari hafi y’aho byabereye muri White Horse Hotel.

Yagize ati "Numvise amasasu ane, ndebye mbona umugabo arimo kwiruka metero 10 cyangwa 15. Nyuma mbona aguye hasi. Ikigaragara ntabwo ari we wari utwaye imodoka, yari umugenzi."

Hahise hatangizwa iperereza muri icyo kibazo

Author : Rebecca UFITAMAHORO

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Bobi Wine vs Lt Gen Muhoozi: Batangiye guterana amagambo kuri...

Abanya Uganda benshi ndetse n’abakurikirana politiki y’iki gihugu ubu bari...
19 May 2022 0

Ku nshuro ya mbere y’urubanza :Umusirikare w’Uburusiya yemeye ibyaha...

Umusirikare w’Uburusiya w’imyaka 21 yemeye ko yishe umusivile udafite...
19 May 2022 0

Ibyo wamenya kuri Elisabeth Borne ubaye umugore wa mbere ugizwe Minisitiri...

Perezida w’u Bufaransa, Emmanuel Macron, yagennye Elisabeth Borne wahoze ari...
17 May 2022 2

Ironda ruhu muri Afurika y’Epfo:Umuzungu yafashwe yihagarika mu byombo...

Umunyeshure w’umuzungu muri Afrika y’Epfo yabaye ahagaritse ku ishuri muri...
17 May 2022 0

Kapiteni wo muri Zambia yemerewe bigoranye kurera umwana yatoraguye ari mu...

Kapiteni Mwila Chansa wo mu ngabo za Zambia yemerewe kurera bigoranye...
16 May 2022 0

USA:Ubuhezanguni bw’ibara ry’uruhu bwatumye yerekeza umunwa w’imbunda ahiganje...

Abategetsi bavuga ko umugabo wo muri Amerika ucyekwaho kwica arashe abantu...
16 May 2022 0