skol
Kigali

U Burusiya bwavuze ikintu Ukraine yakora bugahagarika intambara

Amakuru   Yanditswe na: Dusingizimana Remy 25 February 2022

Igisirikare cy’u Burusiya cyatangaje ko cyafunze inzira ihuza umurwa mukuru wa Ukraine,Kyiv n’u Burayi, nyuma yo gufata ikibuga cy’indege cya Homstel cyegereye uyu Murwa Mukuru.

Kuri uyu wa Gatanu,Minisitiri w’Ububanyi n’Amahanga w’u Burusiya,Sergei Lavrov yavuze,ko biteguye kuba bagirana ibiganiro na Leta ya Ukraine mu gihe ingabo zayo zashyira intwaro hasi ndetse ikareka burundu umugambi wo kwinjira mu muryango wa NATO.

Uyu muybozi yavuze kandi ko Moscow yifuza gukura Ukraine mu maboko y’abategetsi b’igitugu.

Mu kiganiro n’abanyamakuru i Moscow, Lavrov yagize ati: "Perezida w’Uburusiya, Vladimir Putin," yafashe icyemezo cyo gukora igikorwa kidasanzwe cya gisirikare muri Ukraine kugira ngo akureho igitugu,imyumvire y’Abanazi hanyuma Abanya Ukraine ubwabo bashobore kumenya ejo hazaza habo. "

Iki kiganiro cyagaragaje neza ko Putin ashaka guhirika ubutegetsi bwa Ukraine akayigarurira.

Lavrov yavuze ko Moscow yiteguye kugirana ibiganiro na Kyiv niba ingabo za Ukraine zishyize mu maboko.

Lavrov yagize ati: "Twiteguye kugirana imishyikirano umwanya uwo ari wo wose, ingabo za Ukraine nizimara kwitaba umuhamagaro maze zikarambika intwaro."

Yavuze ko intego y’ibikorwa bya Putin “byatangajwe ku mugaragaro:kugabanya ingufu za gisirikare no gukuraho imyumvire nk’iy’Abanazi.”

Guhera ku wa Kane, u Burusiya bwagabye ibitero by’indege, ibyo ku butaka n’ibyo mu nyanja nyuma y’ijambo rya Perezida Vladmir Putin. Ni cyo gitero kiruta ibindi kigabwe ku gihugu cy’u Burayi kuva intambara ya kabiri y’Isi yarangira.

Kuri uyu wa Gatanu, u Burusiya bwazindutse bumisha ibisasu mu mijyi itandukanye ya Ukraine, by’umwihariko hakaba hari n’ibyarashwe mu Murwa Mukuru w’icyo Gihugu Kyiv.

Perezida wa Ukraine Volodymyr Zelenskyy, yavuze ko aguma muri Kyiv nubwo abasirikare b’u Burusiya bakomeje gusatira uwo mujyi.

Misire zirekurwa n’indege zumvikanye mu birere by’uyu mujyi utuwe n’abasaga miliyoni 3, aho bamwe mj baturage bagiye bajya kwihisha muri sitasiyo za gari ya moshi.

Abayobozi ba Ukraine bemeje ko bahanuye indege imwe mu zidegembyaga mu Kirere cya Kyiv, igwira inzu mu masaha y’ijoro ifatwa n’inkongi abantu 8 bayikomerekeramo.

Umwe muri abo bayobozi yavuze ko ingabo z’u Burusiya zishobora kurara zigaruriye uduce guhana imbibi n’Umurwa Mukuru kuri uyu wa Gatanu nubwo ingabo za Ukraine zikomeje kwirwanaho no guhangana n’ababarusha amaboko.

Perezida wa Ukraine yasabye Isi yose kutarebera ibirimo kuba kuko gufata ibihano bya politiki n’ubucuruzi bidahagije.

Imama Nkuru y’Umujyi wa Kyiv yatangaje ko abaturage badakwiye kuva mu ngo zabo kugira ngo badahura n’ingaruka z’ibikorwa by’ubushotoranyi bw’u Burusiya.

Leta Zunze Ubumwe z’Amerika (USA), Canada n’Umuryango w’Ubumwe bw’u Burayi (EU) byamaze gutangaza ibihano byafatiye u Burusiya mu rwego rw’ubukungu na dipolomasi ariko bisa nk’ahi ntacyo bibwiye u Burusiya bwiyemeje gutuza ari uko hahiritswe ubuyobozi bw’icyo Gihugu.

Ibitero by’u Burusiya byarakaje amamiliyoni y’abantu mu bihugu bitabdukanye ku Isi bayoboka imihanda bagana umicyi gikorwa bita ubunyamaswa.

Abatugaragambije bakomeje gukoresha itangazamakuru n’imbyga nkoranyambaga mu kwamagana icyemezo cy’u Burusiya cyo gutera Ukraine.

Abenshi bavuga ko bidakwiye kuba mu Kinyejana cya 21 hakiri Abakuru b’Ibihugu bashyira imbere intambara. Bamwe barimo baravuga ko bidakwiye kuba Isi yarebera Putin atera Igihugu cy’amahanga kuko bishobora kuzaba no ku bindi bihugu bitari Ukraine.

Ku rundi ruhande, Perezida Zelensky yavuze ko ari guhigwa n’u Burusiya.

Uburusiya bukomeje gutakarizwa icyizere mu bintu bitandukanye kuko Ubuyobozi bw’isiganwa ry’imodoka nto zihuta rya Formula 1 bwatangaje ko Grand Prix yari iteganyijwe kubera mu Burusiya muri uyu mwaka, yahagaritswe.

Ni nyuma y’uko iki gihugu gitangije intambara muri Ukraine.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble nsabimana Leonard

    Ariko nubwo uburusiya bwagize nabi kuvogera Igihugu cyigenga Amerika niyo igomba kubazwa ibyangiritse byose kuko niyo yashutse Ukraine iyizeza ibitangaza ntiyayitabara kandi yarakoreshaga Ukraine nk,inzira itata uburusiya

    2 months ago
  • chat_bubble

    Nanyina wundi abyarumuhungu di

    2 months ago

Inzindi nkuru

Bobi Wine vs Lt Gen Muhoozi: Batangiye guterana amagambo kuri...

Abanya Uganda benshi ndetse n’abakurikirana politiki y’iki gihugu ubu bari...
19 May 2022 0

Ku nshuro ya mbere y’urubanza :Umusirikare w’Uburusiya yemeye ibyaha...

Umusirikare w’Uburusiya w’imyaka 21 yemeye ko yishe umusivile udafite...
19 May 2022 0

Ibyo wamenya kuri Elisabeth Borne ubaye umugore wa mbere ugizwe Minisitiri...

Perezida w’u Bufaransa, Emmanuel Macron, yagennye Elisabeth Borne wahoze ari...
17 May 2022 2

Ironda ruhu muri Afurika y’Epfo:Umuzungu yafashwe yihagarika mu byombo...

Umunyeshure w’umuzungu muri Afrika y’Epfo yabaye ahagaritse ku ishuri muri...
17 May 2022 0

Kapiteni wo muri Zambia yemerewe bigoranye kurera umwana yatoraguye ari mu...

Kapiteni Mwila Chansa wo mu ngabo za Zambia yemerewe kurera bigoranye...
16 May 2022 0

USA:Ubuhezanguni bw’ibara ry’uruhu bwatumye yerekeza umunwa w’imbunda ahiganje...

Abategetsi bavuga ko umugabo wo muri Amerika ucyekwaho kwica arashe abantu...
16 May 2022 0