Uburusiya bwahaye Ukraine imfungwa z’intambara zigizwe n’abagore 108, nayo ibuha imfungwa zabwo 110 yari ifite, nk’uko abategetsi ku mpande zompi babitangaje.

Sponsored Ad

Uburusiya bwahaye Ukraine imfungwa z’intambara zigizwe n’abagore 108, nayo ibuha imfungwa zabwo 110 yari ifite, nk’uko abategetsi ku mpande zompi babitangaje.

Muri abo bagore, 37 bari bafashwe nyuma yo kwishyira mu maboko y’uruhande rutari urwabo kubera igitut cy’intambara bariho muri rwa ruganda rwa Azovstal muri Mariupol.

Abarusiya bafunguwe bo hafi ya bose n’abashoferi b’amato y’ubucuruzi yafatiwe muri Ukraine.

Harimo kandi n’abarwanyi bo mu mutwe w’inyeshamba zishaka kwigenga zishyigikiwe n’Uburusiya mu karere ka Donbas mu burasirazuba bwa Ukraine.

Abinyujije ku mbuga nkoranyambagao, Uhagarariye ibiro by’umukuru w’igihugu bya Ukraine, Andriy Yermak, yemeje ko abagore 108 barekuwe mu gikorwa cyo guhanahana imfungwa zose zigizwe n’abagore ku ncuro ya mbere.

Avuga ko harimo ababyeyi n’abakobwa babo bari bafashwe bugwati. Bose havuyemo 12 bari abasirikare nk’uko abivuga.

Denis Pushilin, umutegetsi mukuru wo mu ntara ya Donetsk ishaka kwiyomora kuri Ukraine ishyigikiwe n’Uburusiya, yemeza iri hanahana ry’imfungwa, ariko avuga ko imfungwa 2 zahisemo kwigumira mu Burusiya. Kyiv ntacyo iravuga kuri ibi.

Pushilin avuga ko izi mfungwa zarekuwe na Ukraine zigizwe n’abadereva b’amato 80 n’abasirikare 30.