Umugore wa mbere wa Donald Trump,wahoze ari Perezida wa Amerika ariwe Ivana Trump yapfuye ku myaka 73 y’amavuko.
Bwana Trump wahoze ari perezida yavuze ko uyu Ivana yapfiriye iwe mu mujyi wa New York.
Ivana Trump yari umugore wa mbere wa Donald Trump. Babyaranye abana batatu: Donald Jr., Ivanka na Eric Trump.
Mu magambo y’umuryango wa Trump, wagize uti: "Mama wacu yari umugore udasanzwe - imbaraga mu bucuruzi, umukinnyi wo ku rwego rw’isi, ubwiza buhebuje, ndetse yari umubyeyi utwitaho (...)

Sponsored Ad

Umugore wa mbere wa Donald Trump,wahoze ari Perezida wa Amerika ariwe Ivana Trump yapfuye ku myaka 73 y’amavuko.

Bwana Trump wahoze ari perezida yavuze ko uyu Ivana yapfiriye iwe mu mujyi wa New York.

Ivana Trump yari umugore wa mbere wa Donald Trump. Babyaranye abana batatu: Donald Jr., Ivanka na Eric Trump.

Mu magambo y’umuryango wa Trump, wagize uti: "Mama wacu yari umugore udasanzwe - imbaraga mu bucuruzi, umukinnyi wo ku rwego rw’isi, ubwiza buhebuje, ndetse yari umubyeyi utwitaho akaba n’inshuti".

Ivana Trump yararokotse. Yahunze ubukomunisiti maze yinjira muri iki gihugu. Yigishije abana be ibijyanye n’ubutwari,gukomera, impuhwe no kwiyemeza.Azakumbura cyane na nyina, abana be batatu n’abuzukuruza be icumi."

Abaganga bo muri Manhattan bakiriye telefoni ko hari uwo umutima uhagaze basanga uyu mukecuru w’imyaka 73,Ivana Trump,aho yari atuye kuri uyu wa Kane nyuma ya saa [12h30],nk’uko FDNY ibivuga.Yaguye mu rugo rwe aho yari ari nkuko NYPD yabitangaje.

Amakuru aturuka mu gipolisi avuga ko Ivana Trump basanze yataye ubwenge kandi atavuga ubwo yari aryamye munsi y’ingazi zo mu nzu ye.

Amakuru avuga ko abapolisi barimo gukora iperereza niba yaguyendetse niba kugwa kwe aribyo byagize uruhare mu rupfu rwe. Polisi yavuze ko abaganga aribo bazagaragaza icyamuteye urupfu.

Ivana Trump,yavukiye muri République Tchèque, yarongowe n’uyu yahoze ari umukuru w’igihugu cya Amerika mu 1977. Batandukanye nyuma y’imyaka 15 mu 1992.