skol
Kigali

Umugore wa Perezida wa Ukraine yasabye isi ikintu gikomeye

Amakuru   Yanditswe na: Dusingizimana Remy 9 March 2022

Olena Zelenska,umugore wa Perezida wa Ukraine ku nshuro ya mbere yatangaje inyandiko ikubiyemo ibyo asaba umuryango mpuzamahanga.

Yavuze akaga k’iyi ntambara, by’umwihariko ku bana n’abagore. Ndetse avuga amwe mu mazina y’abana baguye muri iyi ntambara kugeza ubu.

Yanditse ati: "Iyo Uburusiya buvuga ko butari gushoza intambara ku basivile, njye mvuga abapfuye muri bo, mpereye ku bana". Ati:

"Alice w’imyaka umunani wapfiriye ku muhanda i Okhtyrka ubwo sekuru yarimo agerageza kumurengera.

"Polina w’i Kyiv, wapfanye n’ababyeyi be mu bisasu barashweho.

"Arseniy w’imyaka 14 wituweho n’igice cy’inzu ku mutwe, ntabashe gutabarwa kuko ambulance itashoboye kumugeraho vuba kubera umuriro ukabije."

Uyu mugore yashimye ubufasha bw’umuryango mpuzamahanga, n’ibihugu bituranyi birimo kwakira bikanafasha impunzi.

Gusa asubiramo ibyo umugabo we Perezida Zelensky ahora asaba ibihugu by’iburengerazuba, ko bitangaza Ukraine nk’ikirere kitageramo indege.

OTAN/NATO yakomeje kwirinda kwemeza ibi kuko bishobora guhita biba ngombwa ko ingabo zayo zinjira mu mirwano n’indege z’intambara z’Uburusiya.

Madamu Zelenska yanditse ati: "Turasaba abafite imbaraga gufunga ikirere. Bafunge ikirere twebwe iby’intambara yo ku butaka tuzabyimenyera ubwacu.

"Muri iyi baruwa, ndahamiriza isi; ko intambara muri Ukraine atari intambara ’y’ahantu gutyo’. Iyi ni intambara mu Burayi, hafi y’imipaka y’Ubumwe bw’Uburayi."

"Niba tudahagaritse Putin, ukangisha gutangiza intambara y’intwaro kirimbuzi, nta hantu hazaba ubuhungiro ku isi kuri twese."

Hagati aho, Pologne yasabye Amerika ko yakoherereza Ukraine indege zayo z’intambara za Mig-29 zihagurukiye ku kibuga cy’ingabo za Amerika mu Budage.

Ariko ubu busabe bwanzwe na Amerika nk’uko umuvugizi wa Pentagon yabitangaje, avuga ko ibi "byatera NATO yose impungenge zikomeye".

Ni mu gihe OTAN ikomeje kwerekana ko idashaka ikintu cyose cyatuma yinjira mu mirwano byeruye n’ingabo z’Uburusiya.

Pologne irashaka ko izo ndege zijya gufasha Ukraine kurwana n’abarusiya muri Ukraine, ibyo Perezida Zelensky yakomeje gusaba ibihugu bigize NATO ngo bimufashe mu gisirikare.

Umusesenguzi mu bya gisirikare Col Brendan Kearney yabwiye BBC ko "yatangajwe cyane n’ibi Pologne yiyemeje."

Avuga ko abapilote b’abanya-Ukraine bashobora kwambuka umupaka bakajya muri Pologne bakagurutsa izo ndege bakazigeza muri Ukraine, ko "byaba ari byo byoroshye kandi birimo ubwenge."

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ironda ruhu muri Afurika y’Epfo:Umuzungu yafashwe yihagarika mu byombo...

Umunyeshure w’umuzungu muri Afrika y’Epfo yabaye ahagaritse ku ishuri muri...
17 May 2022 0

Kapiteni wo muri Zambia yemerewe bigoranye kurera umwana yatoraguye ari mu...

Kapiteni Mwila Chansa wo mu ngabo za Zambia yemerewe kurera bigoranye...
16 May 2022 0

USA:Ubuhezanguni bw’ibara ry’uruhu bwatumye yerekeza umunwa w’imbunda ahiganje...

Abategetsi bavuga ko umugabo wo muri Amerika ucyekwaho kwica arashe abantu...
16 May 2022 0

Uburusiya bwakupiye umuriro w’amashanyarazi Finland yabusuzuguye igasaba...

Igihugu cya Finlande cyatangaje ku mugaragaro ko cyifuza kwinjira mu...
16 May 2022 0

Tanzania:Perezida Samia Suluhu yongereye umushahara fatizo w’abakozi

Perezida wa Tanzania , Samia Suluhu Hassan yemeje inyongera ya 23.3% ku...
16 May 2022 0

Hassan Sheikh Mohamud yongeye gutorerwa kuyobora Somaliya

Hassan Sheikh Mohamud Yatsinze perezida wari usanzwe ariho, Mohamed...
16 May 2022 0