USA:Ubuhezanguni bw’ibara ry’uruhu bwatumye yerekeza umunwa w’imbunda ahiganje abirabura
Yanditswe: Monday 16, May 2022
Abategetsi bavuga ko umugabo wo muri Amerika ucyekwaho kwica arashe abantu 10 mu iduka rinini ryo mu mujyi wa Buffalo muri leta ya New York, yahisemo ku bushake ahantu hatuwe n’abirabura benshi.
Polisi ivuga ko Payton Gendron, w’imyaka 18, yatwaye imodoka agenda intera ya kilometero zirenga 320 kugira ngo agere aho yakoreye ubwo bwicanyi.
Icyo gitero kirimo gukorwaho iperereza nk’igikorwa cy’urugomo rushingiye ku buhezanguni bw’irondabwoko.
’Mayor’ w’umujyi wa Buffalo Byron Brown yavuze ko uwo ucyekwa yahageze ashaka guhitana "ubuzima bwinshi bushoboka bw’abirabura".
Inyandiko y’amapaji 180 isa nkaho yanditswe na Gedron yagiye ahagaragara, aho yivuga ko ari umuhezanguni ugendera ku mahame yuko abazungu bafite agaciro gasumba ak’abandi bantu.
Uko kurasa kwatumye abahatuye bagwa mu kantu. Umwe mu bari bitabiriye ikiriyo ku cyumweru yabwiye ibiro ntaramakuru Reuters ati: "Birakomeretsa, impamvu umuntu yakora ibi".
Mu bantu 13 barashweho, polisi yavuze ko 11 muri bo ari abirabura.
Leave a Reply
Your email address will not be published. Required fields are marked *