skol
Kigali

Zambia: Utavuga rumwe n’ubutegetsi yigaranzuye Edgar Lungu atsinda amatora

Amakuru   Yanditswe na: Dusingizimana Remy 16 August 2021

Komisiyo y’amatora ya Zambia yemeje ko amatora ya perezida yo mu cyumweru gishize uwayatsinze ari umukandida w’abatavugarumwe n’ubutegetsi Hakainde Hichilema.

Bwana Hichilema yatsinze mukeba we ukomeye, perezida ucyuye igihe Edgar Lungu, amurushije amajwi arenga miliyoni.

Yari inshuro ya gatandatu Hichilema agerageje gushaka kuba perezida.

Abamushyigikiye bakomeje kwishimira intsinzi ye mu mihanda y’umurwa mukuru Lusaka.

Mbere, Perezida Lungu yari yatangaje ko amatora atabaye mu mucyo no mu bwisanzure.

Yavuze ko indorerezi z’amatora zivuye mu ishyaka rye Patriotic Front zirukanywe ku biro by’amatora, bagasiga amajwi nta kirengera.

Mu kumusubiza, ishyaka United Party for National Development rya Hichilema ryavuze ko ibyo byatangajwe ari "igikorwa cya nyuma cy’akababaro cy’ubutegetsi buvuyeho".

Mu kubara bwa nyuma, komisiyo y’amatora yavuze ko Hichilema yatsinze n’amajwi 2,810,777 kuri 1,814,201 ya Lungu mu matora yabaye kuwa kane.

Abantu bagera kuri miliyoni zirindwi bari biyandikishije gutora.

Avuga ibyavuye mu matora ari i Lusaka, Esau Chulu ukuriye komisiyo y’amatora yagize ati: "Bityo ntangaje ko uwavuzwe Hichilema aba perezida wa Zambia".

Ubutegetsi Lungu amazeho imyaka itandatu bwanenzwe guhonyora uburenganzira bwa muntu, ruswa, ubushomeri bukabije no kunanirwa kuzahura ubukungu.

Bivugwa ko Hichilema w’imyaka 59 yazamukiye muri ako kababaro ka rubanda itora, yizeza impinduka.

Ubu afite urugamba rukomeye rwo guhindura ubukungu bw’iki gihugu buhagaze nabi.

Biteganyijwe ko perezida watowe arahira mu minsi irindwi iri imbere.


Perezida Hakainde Hichilema Perezida mushya wa Zambia

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Reverien

    Murakoze ariko hari icyo nabasabaga nk’Umusomyi wanyu. Mugerageze mucukumbure amakuru y’aya matora mutubwire mu by’ukuri ibintu nka birindwi (7) by’ingenzi ishyaka rya United Party for National Development rya Nyakubahwa Hichilema ryashingiyeho mu kwemeza abaturage ba Zambia ko rizakemura biriya bibazo by’ingutu: guhonyora uburenganzira bwa muntu, ruswa, ubushomeri bukabije no kunanirwa kuzahura ubukungu.

    3 months ago

Inzindi nkuru

Gambiya: Batoye umukuru w’igihugu bakoresheje amasaro

Kuri uyu wa gatandatu abaturage bo muri Gambiya baramukiye mu matora...
4 December 2021 0

DR Congo: Guverineri wa Kivu y’Epfo yakuweho ashinjwa ’imiyoborere...

Guverineri w’intara ya Kivu y’Epfo mu burasirazuba bwa DR Congo yavanyweho...
3 December 2021 0

Hamenyekanye aho Alpha Condé yajyanywe nyuma yo guhirikwa ku butegetsi...

Agatsiko k’abasirikare bafashe ubutegetsi muri Guinea batangaje ko uwo...
30 November 2021 0

Africa y’Epfo yavuze amagambo akomeye ku byemezo yafatiwe n’ibihugu birimo...

Leta y’u Rwanda yahagaritse by’agateganyo ingendo n’ibihugu icyenda byo muri...
29 November 2021 0

Libya: Umuhungu wa Gaddafi yangiwe kuba umukandida ku mwanya wa...

Umuhungu w’uwahoze ari perezida wa Libya Col Muammar Kadhafi yakuwe ku...
25 November 2021 0

Sudan: Minisitiri w’Intebe agiye gusubizwa ku butegetsi nyuma y’iminsi...

Minisitiri w’Intebe wa Sudani wari aherutse guhirikwa mu kwezi gushize,...
21 November 2021 0