Ni bwo bwa mbere mu mateka ikinyamakuru Forbes gitangaje urutonde rwihariye rw’abagore 50 bo ku Isi yose biyubakiye imitungo myinshi kurusha abandi, nta na kimwe barazwe. Aba bagore, baturuka ku migabane ine no mu bihugu 13 bitandukanye, babarizwa mu nzego z’ubucuruzi zitandukanye kuva ku ikoranabuhanga kugera ku mavuriro, bakaba bahuriye ku kuba barabaye indashyikirwa mu kwihangira imirimo no kubaka ibigo bikomeye ku rwego mpuzamahanga.

Raporo nshya ya Global Entrepreneurship Monitor igaragaza ko ku Isi hari abagore miliyoni 658 bashinze ibigo byabo bwite, mu gihe abagabo ari miliyoni 772. Ibi bivuze ko hafi 2 kuri 3 by’abagore bafite imishinga y’ubucuruzi bari mu cyiciro cy’abatangizi, mu gihe mu bagabo batageze no kuri 50%.

Amanda Elam, wanditse iyi raporo, avuga ko ubucuruzi bw’abagore ari igisubizo nyacyo ku bibazo by’ubuzima n’uburezi biri hirya no hino ku Isi. Yongeraho ati: “Ubwoko bw’ibigo abayobozi b’abagore bashinga bukurura iterambere rirambye, bikanatuma n’ibigo by’amahanga bishishikarira kuhakorera.”

Umutungo w’aba bagore bose hamwe ni miliyari $276, aho umwe afite impuzandengo ya miliyari $5.5. Nubwo ari munsi ya miliyari $10 ugereranyije n’umwaka wa 2021, baracyari hejuru cyane y’aho bari bageze mu 2017, aho umutungo wabo wari kuri miliyari $118 gusa.

Ku mwanya wa mbere haza Rafaela Aponte-Diamant w’Umusuwisikazi, ufite miliyari $38.8. Afatanyije n’umugabo we Gianluigi Aponte, bashinze sosiyete ya Mediterranean Shipping Company (MSC), ikaba ari yo ya mbere ku Isi mu bwikorezi bwo mu mazi.

Batangiye bafite inguzanyo ya $200,000, bayibyaza umusaruro kugeza aho batunze ubwato 900, ibiro 675 n’abakozi barenga 136,000. Uyu mugore w’imyaka 80 aracyafite uruhare mu guhanga no gutunganya ibijyanye n’ubwato, kandi akicara mu nama y’ubutegetsi y’ishyirahamwe ryo gufasha abandi (MSC Foundation).

Diane Hendricks w’Umunyamerika afite miliyari $22.3, akaba ari uwa kabiri. Yashinze ABC Supply, kompanyi nini icuruza ibikoresho byo gusakara amazu n’ibindi bikoresho byo kubaka. Muri uru rutonde, hari abandi b’icyitegererezo barimo Oprah Winfrey na Sheryl Sandberg.

Mu rwego rwo kwinjira muri uru rutonde, bisaba kuba ufite byibura miliyari $2.1. Ibi bivuze ko abamamaye nka Taylor Swift, Kim Kardashian cyangwa Sara Blakely batari bagera kuri urwo rwego.

Ubushinwa bufite abagore 18 kuri uru rutonde, barimo Zhong Huijuan wahoze ari umwarimu wa chemistry, none akaba afite Hansoh Pharmaceuticals, ikigo gikomeye gikora imiti ivura kanseri n’izindi ndwara zikomeye. Iyi sosiyete yinjiza miliyari $1.7 buri mwaka.

Aziya-Pasifika ifitemo abagore 24, harimo n’umuto kurusha abandi kuri uru rutonde, Melanie Perkins w’imyaka 38 washinze Canva. Hakurikiraho Tatyana Kim wo mu Burusiya w’imyaka 49, wahoze ari umwarimu w’icyongereza none akaba yarashinze urubuga rwa ’e-commerce’ rwa mbere runini mu gihugu cye, Wildberries.

Ikoranabuhanga ni rwo rwego ruyoboye ku rutonde, aho abagore 14 babarizwamo, barimo Zhou Qunfei ufite miliyari $10, washinze Lens Technology, ikora za ’touchscreens’ zikoreshwa na Apple, Samsung na Tesla.

Icyakora, nubwo hari intambwe yatewe, haracyari icyuho kinini hagati y’abagore n’abagabo mu rwego rw’ubukire. Abagabo 50 biyubakiye imitungo bafite agaciro ka tiliyari $3.8, bingana n’inshuro 14 z’imitungo y’abagore 50. Ku Isi hose, hari abagabo 1,920 biyubakiye miliyari, ni inshuro 18 y’abagore babigezeho.

Abagore bavunikiye imitungo bafite biyongereyeho 50% ugereranyije n’aho bari bageze mu 2017, bakaba ubu basaga 3.5% by’abaherwe biyubakiye imitungo ku Isi.

Uko uru rutonde rwakozwe:

Forbes yakoresheje ibiciro by’imigabane by’amasosiyete ku isoko ryo ku wa 13 Kamena 2025. Ku bigo byigenga, bifashishije impuguke n’igereranya ry’amasosiyete asanzwe ku isoko. Abagore bose bari kuri uru rutonde ni abubatse ubukire bwabo ubwite, nta warazwe umutungo.

Dore abagore 50 biyubakiye ubutunzi kurusha abandi ku Isi:

1 Rafaela Aponte-Diamant $38.8B Switzerland Shipping 80
2 Diane Hendricks $22.3B United States Building supplies 78
3 Zhong Huijuan $15.6B China Pharmaceuticals 64
4 Zhou Qunfei $10B Hong Kong Smartphone screens 55
5 Denise Coates $8.5B United Kingdom Online gambling 57
6 Judy Faulkner $7.8B United States Healthcare software 81
7 Wang Laichun $7.2B Hong Kong Electronics components 58
8 Marian Ilitch & family $6.9B United States Little Caesars Pizza 92
9 Ling Tang $6.6B Canada Marketing software, mobile games

10 Lynda Resnick $6.3B United States Agriculture 82
11 Wu Yajun $6.2B China Real estate 61
12 Thai Lee $6.1B United States IT provider 66
13 Melanie Perkins $5.8B Australia Software 38
14 Elizabeth Uihlein $5.6B United States Packaging materials 79
15 Zhou Chaonan $4.9B China Manufacturing 64
16 Marina Budiman $4.8B Indonesia Data centers 63
16 Dewi Kam $4.8B Indonesia Coal 74
18 Tatyana Kim $4.6B Russia E-commerce 49
18 Gail Miller & family $4.6B United States Car dealerships 81
20 Jayshree Ullal $4.5B United States Computer networking 64
20 Fan Hongwei $4.5B China Petrochemicals 58
20 Fan Daidi $4.5B China Skincare 59
23 Eren Ozmen $4.4B United States Aerospace 66
24 Johnelle Hunt $3.9B United States Trucking 93
25 Meg Whitman $3.8B United States Ebay 68
25 Chan Laiwa & family $3.8B China Real estate 84
27 Molly Miao $3.7B China Shein

27 Maggie Gu $3.7B China Shein

29 Peggy Cherng $3.6B United States Fast food 77
29 Giuliana Benetton $3.6B Italy Fashion retail, investments 87
31 Falguni Nayar $3.4B India Retailing 62
32 Kiran Mazumdar-Shaw $3.3B India Biopharmaceuticals 72
33 Maritsa Lazari & family $3.2B United Kingdom Real estate 80
34 Weili Dai $3.1B United States Semiconductors 63
34 Oprah Winfrey $3.1B United States TV shows 71
34 Lam Wai-ying $3.1B Hong Kong Smartphone screens

34 Jian Jun $3.1B China Biomedical products 61
38 Zhao Yan $3B China Biotech 58
38 Cheng Xue $3B China Soy sauce 55
40 Safra Catz $2.9B United States Software 63
41 Pan Dong $2.6B Canada Consumer goods 60
42 Nguyen Thi Phuong Thao $2.5B Vietnam Airlines 55
43 Barbara Banke & family $2.5B United States Wine 71
44 Anna Angelicoussis & family $2.5B Greece Shipping 69
45 Solina Chau $2.4B Hong Kong Investments 63
46 Sheryl Sandberg $2.4B United States Facebook 55
47 Ye Qiongjiu $2.3B China Software 70
48 Rita Tong Liu $2.3B Hong Kong Real estate 76
49 Susan Ocampo & family $2.2B United States Semiconductors 67
50 Chu Lam Yiu $2.1B Hong Kong Flavorings 55