skol
Kigali
Fortebet

Perezida Macky Sall yasabye Ukraine gutegura ibisasu byatumye ingano zifungwa ntizizanwe muri Afurika

Amakuru   Yanditswe na: Dusingizimana Remy 10 June 2022

Perezida wa Senegal akaba unayoboye Umuryango w’Ubumwe bwa Afrika, Macky Sall kuri uyu wa kane yasabye Ukraine gutegura ibisasu bya mine yateze mu mazi akikije Umujyi wa Odessa kugira ngo ingano zafunzwe zishobore gusohoka.

Intambara hagati y’Uburusiya na Ukraine hamwe n’ibihano byafashwe n’ibihugu byo mu burengerazuba bw’isi byahungabanyije ubucuruzi kw’isi, cyane cyane ibihingwa by’impeke bituruka muri ibyo bihugu bibiri. Ibi byatumye isi igira ubwoba bw’inzara ishobora gutera.

Perezida Macky Sall avuga ko mu gihe ingano zifungiwe muri Ukraine zitasohoka, umugabane wa Afrika ushobora kwinjira mu bibazo by’inzara. Uburusiya na Ukraine bisohora 30 ku ijana by’ingano zikoreshwa kw’isi.

Uburusiya bwasabye Ukraine gutegura ibisasu yateze mu mazi yo mu mujyi wa Odessa muri Ukraine kugira iyo myaka isohoke, ariko Ukraine yaranze kubera gutinya ibitero by’Uburusiya.

Perezida wa Senegal arateganya kubonana na perezida w’Ubufaransa, Emmanuel Macron mu Bufaransa kuri uyu wa gatanu.

Byitezwe ko amusaba gufasha mu gukuraho ibihano Uburayi bwafatiye Uburusiya, cyane cyane ubuhanga bwo guhererekanya amafaranga kw’isi, SWIFT, bukoreshwa n’amabanki.

IJWI RY’AMERIKA

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ubushakashatsi bwa OCHA bwagaragaje ko abasaga miriyoni 2,1 batabona icyo...

Abaturage b’abakongomani babarirwa muri miriyoni 2,1 mu burasirazuba bwa DR...
12 July 2022 0

Abahinzi bo mu burengerazuba bwa Kenya berekanye uburyo Afurika ishobora...

Byibura ,abanya Kenya bakabakaba miriyoni 4 bahura n’inzara iterwa n’uruzuba...
8 July 2022 0

Ubudage bugiye gusubiza Cameroun ishusho bwatwaye mu gihe cy’ubukoloni

Ubudage bwemeye gusubiza ishusho ibumbatiye amateka bwibye Cameroun mu...
29 June 2022 0

Zimbabwe: Barasaba Leta kujya ibahemba mu Madolari ya Amerika

Amahuriro y’Abarimu n’abakoze bakora mu buvuzi bifatanije basaba Leta yabo...
23 June 2022 0

America : Gusangira n’umushoramari ukomeye byishyurwa akayabo

I San Francisco hatangiye ipiganwa ngarukamwaka ryo gusangira n’umuherwe,...
21 June 2022 0

Urubyiruko muri Afurika runyotewe no gutura ku yindi migabane...

Ubushakashatsi bushya bwagaragaje ko urubyiruko muri afurika ruhora...
13 June 2022 0