Mu kiyaga Victoria ku mwaro wo mu mujyi wa Mwanza, Tanzania yashyize mu mazi ubwato bunini butwara abagenzi n’imizigo burimo gukorerwa muri icyo gihugu.
Ubu bwato, leta ivuga ko ari bwo bunini kurusha ubundi bwose mu karere k’ibiyaga bigari, byitezwe ko buzajya bukora igendo hagati y’ibihugu bisangiye iki kiyaga.
Bufite ubushobozi bwo gutwara abantu 1,200 no kwikorera toni 400 z’imizigo hamwe n’imodoka 20, nk’uko umuvugizi wa leta ya Tanzania yabitangaje.
Ubu bwato bwiswe MV Mwanza ntiburuzura (...)

Sponsored Ad

Mu kiyaga Victoria ku mwaro wo mu mujyi wa Mwanza, Tanzania yashyize mu mazi ubwato bunini butwara abagenzi n’imizigo burimo gukorerwa muri icyo gihugu.

Ubu bwato, leta ivuga ko ari bwo bunini kurusha ubundi bwose mu karere k’ibiyaga bigari, byitezwe ko buzajya bukora igendo hagati y’ibihugu bisangiye iki kiyaga.

Bufite ubushobozi bwo gutwara abantu 1,200 no kwikorera toni 400 z’imizigo hamwe n’imodoka 20, nk’uko umuvugizi wa leta ya Tanzania yabitangaje.

Ubu bwato bwiswe MV Mwanza ntiburuzura neza kuko bugeze ku gipimo cya 82%, buzuzura butwaye miliyari 109 z’amashilingi ya Tanzania (miliyoni $46).

Avugira mu muhango wo kubushyira mu mazi, umutegetsi wa Tanzania muri minisiteri y’imirimo n’ubwikorezi Gabriel Migire yavuze ko kubaka ubu bwato ari umuhate wo guteza imbere ubucuruzi mu karere k’iki kiyaga.

Ikiyaga Victoria nicyo kinini mu buso mu bindi byose muri Africa, kikaba n’icya kabiri ku isi.

Victoria ihuriweho na Kenya (6%), Uganda (43%), na Tanzania (51%), itanga umusaruro w’amafi ugera kuri toni miliyoni 1,000 ku mwaka, kandi abantu bagera kuri miliyoni 40 batuye mu kibaya cyayo, nk’uko bivugwa na African Great Lakes Information Platform.

Imijyi yo mu karere nka Kisumu (Kenya), Kampala (Uganda), Mwanza na Bukoba (Tanzania) iri ku mwaro w’iki kiyaga.

BBC