NBC yemeye ku mugaragaro ko umuherwe Elon Musk yaguze urubuga nkoranyambaga rwa Twitter ku kayabo ka miliyari 44 z’amadorali.
Ibi byatangajwe ku ya 25 Mata 2022 ko Elon Musk yamaze kwegukana imigabane yose ya Twitter.
Uyu mugabo yasobanuye ko abona Twitter nk’urubuga rwo kuganiriraho ingingo z’ingenzi ku buzima bwa muntu.
Yavuze ko ashaka kugira Twitter urubuga nkoranyambaga rwiza, ruha abantu uburenganzira bwo kwisanzura bakavuga ibyo batekereza, akaruha imikorere mishya ku buryo (...)

Sponsored Ad

NBC yemeye ku mugaragaro ko umuherwe Elon Musk yaguze urubuga nkoranyambaga rwa Twitter ku kayabo ka miliyari 44 z’amadorali.

Ibi byatangajwe ku ya 25 Mata 2022 ko Elon Musk yamaze kwegukana imigabane yose ya Twitter.

Uyu mugabo yasobanuye ko abona Twitter nk’urubuga rwo kuganiriraho ingingo z’ingenzi ku buzima bwa muntu.

Yavuze ko ashaka kugira Twitter urubuga nkoranyambaga rwiza, ruha abantu uburenganzira bwo kwisanzura bakavuga ibyo batekereza, akaruha imikorere mishya ku buryo rushobora kwizerwa kurushaho.

Igurwa rya Twitter ribaye mu gihe hari hashize igihe uru rubuga rwikomwa n’abantu b’ingeri zose ku buryo hari n’abanyapolitiki barunenga bavuga ko rubangamira ukwishyira ukizana kwabo mu gutanga ibitekerezo.

Umwaka ushize, Twitter yahagaritse konti y’uwahoze ari Perezida wa Leta Zunze Ubumwe za Amerika, Donald Trump.

Elon Musk yari asanzwe afite imigabane ingana na 9% muri Twitter. Mu ntangiriro za Mata nibwo yatangiye gutangaza ko afite gahunda zo kuba yagura uru rubuga.
Byitezwe ko mu mpera z’uyu mwaka aribwo igura n’igurisha rya Twitter rizaba ryarangiye.

Sorce:Yahoo.com