skol

Ethiopia:Abanyamakuru bafunzwe bazira gutangaza amakuru ajyanye n’intambara

Amakuru   Yanditswe na: Dusingizimana Remy 16 December 2021

Abanyamakuru batatu bafunzwe muri Ethiopia bijyanye n’amategeko yo mu bihe by’intambara yashyizweho mu gihugu, bashinjwa guha urubuga umutwe leta ya Ethiopia ivuga ko ari uw’iterabwoba.


Umwe muri bo ni Amir Aman Kiyaro, umunyamakuru ufata za videwo ukorera ibiro ntaramakuru The Associated Press (AP) byo muri Amerika mu buryo bwa nyakabyizi.

Abanyamakuru babiri bo muri Ethiopia Thomas Engida na Addisu Muluneh, na bo bafunzwe.

Polisi ivuga ko abo banyamakuru barenze ku itegeko ry’igihugu ryo muri ibi bihe bidasanzwe no ku itegeko rihana ibikorwa by’iterabwoba.

Umwanditsi mukuru wa AP Julie Pace yavuze ko ibi ari "ibirego bidafite ishingiro".

Ibi biro ntaramakuru bivuga ko abanyamakuru babyo bamaze igihe batara amakuru ku mpande zombi ziri mu ntambara.

Akanama ko kurinda abanyamakuru mu mwuga wabo (Committee to Protect Journalists, CPJ) kamaganye itabwa muri yombi ry’abo banyamakuru, gasaba ko abanyamakuru bose bafungiwe gukora akazi kabo bahita barekurwa.

CPJ ivuga ko umuvugizi wa polisi Jeylan Abdi yari yarababwiye ko kuvugana n’umutwe leta ivuga ko ari uw’iterabwoba ari icyaha nkuko bikubiye mu itegeko ry’iki gihugu ryo guhana ibikorwa by’iterabwoba, ko ibyo atari igikorwa cy’itangazamakuru.

Abanyamakuru benshi bamaze gufungwa muri Ethiopia bijyanye n’amategeko y’iki gihugu y’ibihe bidasanzwe.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Muhayimana yakatiwe igifungo cy’imyaka 14 kubera ibyaha bya Jenoside

Urukiko rw’i Paris ruburanisha ibyaha nshinjabyaha rwategetse ko Claude...
17 December 2021 0

Ethiopia:Abanyamakuru bafunzwe bazira gutangaza amakuru ajyanye...

Abanyamakuru batatu bafunzwe muri Ethiopia bijyanye n’amategeko yo mu bihe...
16 December 2021 0

Libya: Urukiko rwasubije uburenganzira bwo kwiyamamariza kuba Perezida...

Urukiko rwo muri Libya kuwa kane rwategetse ko umuhungu wa Muammar Gaddafi...
3 December 2021 0

US: Yakuweho icyaha nyuma y’imyaka 42 afunzwe arengana

Umugabo wo muri leta ya Missouri wafunzwe mu 1978 yabeshyewe yakuweho...
24 November 2021 0

RDC: Urukiko nta bubasha rufite bwo kuburanisha uwari Minisitiri...

Urukiko rurinda iremezo ry’itegekonshinga rwo muri Repubulika ya Demokarasi...
16 November 2021 0

Abasirikare babiri ba Uganda bakatiwe urwo gupfa muri Somalia

Abasirikare batanu ba Uganda bari mu butumwa bw’amahoro bw’umuryango w’Ubumwe...
15 November 2021 0