skol

Leta ya US yemeje ko Paul Rusesabagina ’yafunzwe mu buryo butari bwo’

Amakuru   Yanditswe na: Dusingizimana Remy 20 May 2022

Minisiteri y’ububanyi n’amahanga ya Amerika yavuze ko yasanze Paul Rusesabagina "yarafunzwe mu buryo butari bwo" mu Rwanda.

Umuvugizi w’iyo minisiteri kuwa kane yavuze ko "kwemeza ibi bikubiranya ibyabaye byose mbere, barimo kubura kwizezwa urubanza rutabera mu iburanishwa".

Rusesabagina wamenyakanye cyane kubera filimi ya "Hotel Rwanda", umwaka ushize yakatiwe gufungwa imyaka 25 ahamijwe ibyaha by’iterabwoba.

Iki gihano cyagumishijwe no mu bujurire muri uyu mwaka. We, yivanye mu rubanza muri Werurwe(3) 2021 avuga ko "nta butabera ategereje" mu rukiko.

Umuryango we wakomeje umuhate wo kugaragaza ko Rusesabagina atabonye urubanza rutabogamye kandi ko yafashwe binyuranyije n’amategeko.

Bamwe mu bakinnyi ba filimi muri Hollywood mu minsi ishize babonetse batanga ubutumwa n’amafoto bashyigikiye ubukangurambaga busaba ko Rusesabagina arekurwa.

Mu ntangiriro z’uku kwezi, umugore we n’abakobwa be Carine na Anaïse Kanimba bakiriwe mu biro bya White House muri Amerika.

Umuryango we uvuga ko wizeye ko ibi byemejwe na Amerika bizashyira igitutu ku Rwanda rukamurekura.

Mu itangazo basohoye, bavuze ko uyu mugabo w’imyaka 67 ubuzima bwe burimo kuzamba kandi ko bafite ubwoba ko azagwa muri gereza "niba nta gikozwe na Amerika n’abandi ngo arekurwe".

Perezida Kagame yagiye asobanura ko Rusesabagina yafashwe azi ko agiye i Burundi, mu gihe u Rwanda rwamuhigaga, akekwaho ibyaha by’iterabwoba.

Icyo gihe Paul Kagame yizeje ko azahabwa urubanza rutabogamye kandi anenga abavuga ko "ubutabera atari ikintu cya Africa" abyita ivangura.

Mu kwezi gushize, umuryango wa Rusesabagina wareze leta y’u Rwanda muri Amerika usaba miliyoni $400 uvuga ko yashimuswe akanakorerwa iyicarubozo

Uyu muryango we uvuga ko yakuwe aho yabaga mu buhungiro muri Texas akazanwa mu Rwanda ashimuswe.

U Rwanda rwavuze ko nta kosa riri mu gushuka umuntu ushakishwa ku byaha by’iterabwoba "kugeza akwizaniye".

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Malawi :Umushinwa yahagaritswe kubera amashusho y’ivangura ruhu...

Umugabo ukomoka mu Bushinwa warusanzwe atunganya amashusho yifashishwa...
21 June 2022 0

"Kabuga ameze neza agomba kuburanishwa" – Urukiko rwa UN

Urukiko mpuzamahanga rwa ONU/UN rwategetse ko uyu mugabo uregwa kuba umwe...
14 June 2022 0

Abasabaga ko UK itakohereza abimukira mu Rwanda batsinzwe

Abacamanza bo mu rukiko rw’ubujurire mu Bwongereza banze guhagarika indege...
13 June 2022 0

Urukiko rwemeje ko abimukira binjira mu Bwongereza mu buryo butemewe...

Kuri uyu wa Gatanu tariki 10 Kamena 2022, nibwo Urukiko rwatesheje agaciro...
11 June 2022 0

Leta ya US yemeje ko Paul Rusesabagina ’yafunzwe mu buryo butari...

Minisiteri y’ububanyi n’amahanga ya Amerika yavuze ko yasanze Paul...
20 May 2022 0

Abanyamakuru muri Afurika banenze ubwicanyi bwakorewe mugenzi wabo wa...

Abanyamakuru n’abayobozi babo muri Tanzaniya bamaganye ubwicanyi buherutse...
13 May 2022 0