skol
Fortebet

Libya: Urukiko rwasubije uburenganzira bwo kwiyamamariza kuba Perezida umuhungu wa Gaddafi

Amakuru   Yanditswe na: Dusingizimana Remy 3 December 2021

Urukiko rwo muri Libya kuwa kane rwategetse ko umuhungu wa Muammar Gaddafi yakwiyamamariza kuba perezida, nk’uko umunyamategeko we yabitangaje.

Mu cyumweru gishize komisiyo y’amaatora yari yavanye Saif al-Islam Gaddafi ku rutonde rw’abiyamamariza gutegeka Libya matora ya tariki 24 Ukuboza (ukwa 12).

Ubujurire bwe bwatindijweho iminsi mu gihe hari abarwanyi bari baratambamiye urukiko, nk’uko ibiro ntaramakuru Reuters bibivuga.

Kuwa kane kandi, komisiyo y’amatora yavuze ko abantu bitwaje intwaro bateye ibiro by’amatora bitanu mu burengerazuba bwa Libya bakiba amakarita y’itora.

Hari ubwoba bw’uko aya matora azagenda kubera imitwe yitwaje intwaro ihanganye, mu gihe ariyo mahirwe akomeye mu kunga ibice by’iburengerazuba n’iburasirazuba.

Urutonde rwa nyuma rw’abakandida perezida ntabwo ruratangazwa kubera ubujurire bwa benshi mu bangiwe kwiyamamaza, 25 muri 98 bari batanze kandidatire bari barangiwe.

Saif al-Islam, wari warakatiwe urwo gupfa adahari n’urukiko rw’i Tripoli mu 2015 ku byaha by’intambara mu gihe cyo guhirika ubutegetsi bwa se bwari bumaze imyaka 40, ni umwe mu bakandida batavugwaho rumwe ushaka gutegeka.

Ashyigikiwe n’Abanyalibya bari bakunze ubutegetsi bwa se, wakuweho mu 2011 Libya ikinjira mu kaga.

Nyuma y’uko umunyamategeko atangaje umwanzuro w’urukiko, abamushyigikiye bigabije imihanda y’ahitwa Sebha bajya mu byishimo, nk’uko Reuters ibivuga.

Gusa abandi, barimo n’imitwe yitwaje intwaro ifite ubutegetsi mu bice runaka, ntibashaka ko agera ku mpapuro z’itora nyuma y’intambara ikomeye barwanye yo guhirika se.

Gutambamira urukiko rwa Sebha muri iki cyumweru byakozwe n’abarwanyi ba komanda w’igice cy’iburengerazuba Khalifa Haftar byerekanye ko amatora ateganyijwe nayo ashobora guteza imirwano y’imitwe yitwaje intwaro ishyigikiye abakandida bahanganye.

Haftar, ufite umutwe wa Libyan National Army (LNA) ugenzura igice kinini cy’iburasirazuba n’amajyepfo ya Libya, nawe ubwe ni umukandida muri aya matora. Ariko uwo mutwe akuriye wavuze ko abarwanyi bawo batari batambamiye urukiko ahubwo bari barurinze.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Urukiko rwo mu Busuwisi rwagize abere Sepp Blatter wahoze ayobora FIFA na...

Aba bategetsi babiri bahoze ari ibikomerezwa mu buyobozi bw’umupira...
8 July 2022 0

RDC: Vital Kamerhe wakoraga mu biro bya Perezida Tshisekedi yagizwe...

Urukiko rw’ubujurire muri Repubulika ya Demokarasi ya Congo rwagize umwere...
24 June 2022 0

Malawi :Umushinwa yahagaritswe kubera amashusho y’ivangura ruhu...

Umugabo ukomoka mu Bushinwa warusanzwe atunganya amashusho yifashishwa...
21 June 2022 0

"Kabuga ameze neza agomba kuburanishwa" – Urukiko rwa UN

Urukiko mpuzamahanga rwa ONU/UN rwategetse ko uyu mugabo uregwa kuba umwe...
14 June 2022 0

Abasabaga ko UK itakohereza abimukira mu Rwanda batsinzwe

Abacamanza bo mu rukiko rw’ubujurire mu Bwongereza banze guhagarika indege...
13 June 2022 0

Urukiko rwemeje ko abimukira binjira mu Bwongereza mu buryo butemewe...

Kuri uyu wa Gatanu tariki 10 Kamena 2022, nibwo Urukiko rwatesheje agaciro...
11 June 2022 0