skol
fortebet

RDC: Impirimbanyi yafunzwe izira gushinja ibyaha umugore wa Perezida Tshisekedi

Yanditswe: Monday 23, Aug 2021

featured-image

Sponsored Ad

Umuntu wa kabiri wo mu muryango urwanya ruswa muri Repubulika ya Demokarasi ya Congo, yatawe muri yombi nyuma yuko uyu murwango ugize ibyo ushinja umugore wa Perezida.

Sponsored Ad

Umuryango "Lutte Pour Le Changement" (LUCHA), washinje umuryango uyobowe na Denise Tshisekedi, Madamu wa Perezida Félix Tshisekedi, kunyereza imfashanyo igenewe abagizweho ingaruka n’iruka ry’ikirunga cya Nyiragongo mu kwezi kwa gatanu.

Umuryango uyobowe na Madamu Denise wahakanye ibyo birego.

Ghislain Muhiwa yatawe muri yombi ku cyumweru mu mujyi wa Goma mu burasirazuba bw’igihugu, mu ntara ya Kivu ya ruguru ubu itegekwa n’igisirikare.

Mugenzi we Parfait Muhani yatawe muri yombi mu kwezi kwa karindwi na we kubera iyo mpamvu, akaba ategereje kuburanishwa n’urukiko rwa gisirikare.

Umuryango LUCHA uvuga ko Bwana Muhiwa yatawe muri yombi ku busabe bw’umwunganizi mu mategeko wa Madamu Denise, nkuko bitangazwa na radio RFI.

Ariko hari abakora mu rwego rw’ubucamanza bavuze ko yafunzwe kuko mu kwezi kwa gatandatu atitabye ubucamanza bwa gisirikare - bwafashe inshingano z’ubucamanza bwa gisivile muri iki gihe, bigatuma ubu yari yarashyiriweho urupapuro rwo kumuta muri yombi.

Mu gihe ubucamanza bwa gisirikare bwari bwarabuze Ghislain Muhiwa, mu kwezi gushize bwari bwataye muri yombi mugenzi we Muhani, wamaze gushinjwa guharabikana no kuba mu itsinda ry’abagizi ba nabi.

Umuryango LUCHA wamaganye icyo uvuga ko ari ukwibasira bikomeye impirimbanyi n’abatavuga rumwe n’ubutegetsi birangwa muri iki gihugu kuva mu mezi macye ashize, nkuko bitangazwa na RFI.

BBC

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa