skol

Umukobwa ushinja R.Kelly yavuze ko baryamanye abizi ko adafite imyaka y’ubukure

Amakuru   Yanditswe na: Dusingizimana Remy 19 August 2021

Urubanza rw’umuhanzi wa R&B wo muri Amerika Robert Kelly rwatangiye i Brooklyn muri New York humvwa umukobwa wa mbere muri batandatu bamushinja.


Iki cyamamare kiraregwa ubuhemu, ihohotera rishingiye ku gitsina na ruswa, ibyaha we yakomeje guhakana.

Ibi byaha biramutse bimuhamye ashobora gufungwa imyaka ibarirwa muri za mirongo.

Umutangabuhamya wa mbere, Jerhonda Johnson Pace, yabwiye inteko y’abacamanza ko R.Kelly yari azi neza ko ataragira imyaka y’ubukure ubwo bakoraga imibonano mpuzabitsina mu 2009 i Chicago, aho iyo myaka ari 17.

Uyu mukobwa ubu w’imyaka 28, yavuze ko bwa mbere yabwiye R.Kelly ko afite imyaka 19, ariko akaza kumubwira imyaka ye nyayo umunsi bakoze imibonano mpuzabitsina bwa mbere.

Jerhonda wemera ko icyo gihe yari umufana wa R.Kelly yabwiye urukiko ati: "Numvise bidakwiye. Numvise ntari mu kuri, ko nkwiye kumubwira imyaka yanjye.

"Yarambajije ati ’Ibyo bishatse kuvuga iki?’ ambwira ko mbwira buri wese ko mfite imyaka 19 - kandi nifata nk’ufite 21."

Kelly aregwa ko yari akuriye itsinda ry’abakora amabi mu myaka 20 aho yinjizaga abagore n’abakobwa batarageza imyaka y’ubukure mu bikorwa by’imibonano mpuzabitsina.

Mu kwiregura, umunyamategeko wa R.Kelly witwa Nicole Blank Becker yavuze ko abavugwa ko yabagiriye nabi amatsinda y’abantu barakaye gusa, mbere bemeye ko baryamana mbere yo ’kumuhinduka’.

Yabwiye urukiko ati: "Ntiyigeze abinjiza mu itsinda runaka. Bari abafana. Baje bamugana." Yongeraho ko bamwe muri bo bagiranye "ibihe byiza" kandi "igihe kirekire".

Nicole Becker yagaragaje umukiliya we nk’uwagiriwe nabi n’abagore, avuga ko bamwe baryohewe no "kugira ishema ryo kubwira inshuti zabo ko bari kumwe n’icyamamare."

Abashinjacyaha ariko bo bagaragaza Kelly nk’umugabo "wakoresheje ibinyoma, gutera ubwoba no gukoresha imbaraga mu kwibasira abo yagiriye nabi akirinda ko abiryozwa imyaka myinshi".

Umushinjacyaha Maria Melendez yatangiye agira ati: "Uru ni urubanza rw’umugizi wa nabi, uru si urubanza rw’icyamamare gikunda ibirori cyane".

Madamu Melendez yavuze ko uyu muririmbyi yakoresheje abacunga umutekano we, abashoferi, abanyamategeko n’abacungamari mu guhisha ibyaha aregwa.

Yavuze kandi ko yahaye ruswa bamwe mu baregwa akabafotora akanabafata amashusho bari gukora imibonano maze akabakangisha ko ashobora gusohora ayo mashusho.

Kelly ntabwo aregwa hano gusa, aramutse arekuwe yakurikiranwa ku byaha bisa n’ibi yarezwe no muri leta za Illinois na Minnesota, ariko akabihakana.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Inteko ya EAC yanenze ibihugu binyamuryango bidashyira mu bikorwa imyanzuro...

Depite Rutazana wo mu nteko ya EAC yavuze ko hari abaturage batanga...
12 October 2021 0

US: Umugabo arasaba indishyi ya $1m kuko mwalimukazi yogoshe umukobwa...

Se w’umukobwa w’imyaka irindwi wogoshwe umusatsi na mwalimu ku ishuri nta...
17 September 2021 0

US: Urukiko rwasubitse iyicwa ry’imfungwa isaba gupfa pasitoro ayirambuyeho...

Urukiko rw’Ikirenga rwa Amerika rwasubitse iyicwa rya John Henry Ramirez...
10 September 2021 0

Urukiko rwa Paris rwateye utwatsi ubusabe bwa Agathe Kanziga udashaka...

Ku gicamunsi cyo kuri uyu wa mbere Urukiko rw’ubujurire rwa Pasis rwateye...
30 August 2021 0

Perezida Ndayishimiye yarize kubera ruswa yamunze abacamanza mu...

"Ese nta mpuhwe ndi kurira imbere yanyu?" Ayo n’amwe mu magambo akomeye...
25 August 2021 0

RDC: Impirimbanyi yafunzwe izira gushinja ibyaha umugore wa Perezida...

Umuntu wa kabiri wo mu muryango urwanya ruswa muri Repubulika ya Demokarasi...
23 August 2021 0