skol

US: Umugabo arasaba indishyi ya $1m kuko mwalimukazi yogoshe umukobwa we

Amakuru   Yanditswe na: Dusingizimana Remy 17 September 2021

Se w’umukobwa w’imyaka irindwi wogoshwe umusatsi na mwalimu ku ishuri nta burenganzira bw’ababyeyi abiherewe ari gukurikirana ishuri n’abakozi baryo babiri yishyuza indishyi ya miliyoni imwe y’amadorari.


Ikirego cya Jimmy Hoffmeyer kivuga ko uburenganzira bw’umukobwa we w’icyotara bwahonyowe.

Yavanye uyu mukobwa we muri iryo shuri.

Iperereza ryakozwe n’iri shuri rya leta ryarangiye mu kwa karindwi ryanzuye ko nubwo uyu mwalimukazi yarenze ku mategeko y’ishuri ibyo atabikoreye ivanguraruhu.

Uyu mwalimukazi yarahanwe ariko akomeza akazi ke ku ishuri ribanza rya Ganiard Elementary School muri leta ya Michigan.

Jimmy Hoffmeyer yabwiye ibiro ntaramakuru Associated Press ko mu kwezi kwa kane umunsi umwe umwana we yavuye ku ishuri igice kinini cy’umusatsi we ku ruhande rumwe cyogoshwe.

Avuga ko umwana bigana yakoresheje umukasi agakata umusatsi muremure wa Jurnee ubwo bari mu modoka y’ishuri.

Hashize iminsi ibiri, Jurnee yagarutse ku ishuri n’umusatsi we wo ku rundi ruhande bawogoshe - nubwo mbere umubyeyi we yari yamujyanywe kwa kimyozi akaringaniza umusatsi we.

Jimmy Hoffmeyer avuga ko yaketse ko ari undi mwana wongeye kumwogosha, ariko Jurnee yamubwiye ko ubu noneho byakozwe na mwalimukazi. Ati: "Mwalimukazi we yawukase byo kuwumaraho."

Ikirego kiri mu rukiko rwa leta ya Michigan kirega ririya shuri n’abakozi baryo babiri, nk’uko MLive.com ibivuga.

Hamwe no guhonyora uburenganzira bw’umwana, icyo kirego cyongeraho ihohotera rishingiye ku ruhu, kubabaza imbamutima ku bushake, gusagarira hamwe no gukubita.

Ku bw’ibyo uyu mubyeyi arasaba impozamarira ya miliyoni imwe y’amadorari ya Amerika.

Nta gisubizo kiratangazwa n’abaregwa kandi iri shuri ry’akarere ntacyo riratangaza ku mugaragaro ku byo riregwa.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

US: Yakuweho icyaha nyuma y’imyaka 42 afunzwe arengana

Umugabo wo muri leta ya Missouri wafunzwe mu 1978 yabeshyewe yakuweho...
24 November 2021 0

RDC: Urukiko nta bubasha rufite bwo kuburanisha uwari Minisitiri...

Urukiko rurinda iremezo ry’itegekonshinga rwo muri Repubulika ya Demokarasi...
16 November 2021 0

Abasirikare babiri ba Uganda bakatiwe urwo gupfa muri Somalia

Abasirikare batanu ba Uganda bari mu butumwa bw’amahoro bw’umuryango w’Ubumwe...
15 November 2021 0

Ubufaransa: Umusirikare w’umugore aravuga ko yafatiwe ku ngufu muri...

Abashinjacyaha mu Bufaransa batangiye iperereza ku bivugwa ko ari ifatwa ku...
13 November 2021 0

US: Umugabo yababariwe nyuma y’imyaka 26 afunzwe arengana

Umugabo wo muri leta ya North Carolina muri Amerika wahamijwe ubwicanyi...
13 November 2021 0

Nta gihugu na kimwe cyo muri EAC kidafite abatanze ibirego muri EACJ-Hon....

Kayobera Nestor Umurundi w’imyaka 50 y’amavuko Uyobora urukiko rwa Afurika...
23 October 2021 0