Uwari Ambasaderi w’u Rwanda muri RDC,Vincent Karega,yamaze gusezera kubo bakoranaga mbere yo kugaruka I Kigali nyuma yo kwirukanwa ku butaka bwa kiriya gihugu.
Abinyujije kuri Twitter,Amb.Karega yashyize hanze ifoto ari kumwe n’abo bakoranaga arangije yandikaho ati "Ifoto y’urwibutso hamwe na bagenzi banjye bo kuri Ambasade mbere yo kuva Kinshasa. Turi kumwe. Mwarakoze muri byose."
Mu mpera z’icyumweru gishize,Inama nkuru y’Ingabo muri Repubulika Iharanira Demokarasi ya Congo (RDC) yasabye (...)

Sponsored Ad

Uwari Ambasaderi w’u Rwanda muri RDC,Vincent Karega,yamaze gusezera kubo bakoranaga mbere yo kugaruka I Kigali nyuma yo kwirukanwa ku butaka bwa kiriya gihugu.

Abinyujije kuri Twitter,Amb.Karega yashyize hanze ifoto ari kumwe n’abo bakoranaga arangije yandikaho ati "Ifoto y’urwibutso hamwe na bagenzi banjye bo kuri Ambasade mbere yo kuva Kinshasa. Turi kumwe. Mwarakoze muri byose."

Mu mpera z’icyumweru gishize,Inama nkuru y’Ingabo muri Repubulika Iharanira Demokarasi ya Congo (RDC) yasabye Guverinoma kwirukana Ambasaderi w’u Rwanda i Kinshasa Vincent Karega, mu masaha atarenze 48.

Impamvu yatanzwe n’Ingabo za FARDC ni umutekano muke ukomeje kuba ikibazo mu Burasirazuba bw’iki Gihugu, bikaba bigerekwa ku Rwanda.

Ibi biraturuka ahanini ku nyeshyamba za M23 zikomeje kubohora uduce dutandukanye twa RDC bigashinjwa u Rwanda ko rwoherezayo ingabo.

Nyuma ya Bunagana,M23 babohoye Rutshuru, Bwisha n’ahandi, bivugwa ko beri kwerekeza i Goma.

U Rwanda ntiruhwema kugaragaza ko ibirego bya RDC ari ari ikinyoma cyambaye ubusa, ndetse rugaragaza ko ingabo za FARDC ari zo zifatanya n’umutwe w’iterabwoba wa FDLR umaze imyaka irenga 25 ugerageza ibishoboka byose mu guhungabanya umutekano w’u Rwanda n’uwa RDC udasigaye.

Itangazo rya Guverinoma y’u Rwanda ryasohotse ku Cyumweru, rivuga ivuga ko inzego z’umutekano z’u Rwanda ziryamiye amajanja ku mupaka uhuza u Rwanda na DRC kubera ubushotoranyi bukomeje gufata indi ntera bushingiye ku mikoranire y’Ingabo z’iki gihugu n’umutwe w’iterabwoba wa FDLR, bashaka guhungabanya umutekano w’u Rwanda.

Itangazo ryashyizwe ahagararagara n’ubuvugizi bwa Guverinoma y’ u Rwanda rinavuga ko Ingabo za Congo n’umutwe w’iterabwoba wa FDLR barimo kugerageza gutera imbibi z’ u Rwanda bakoresheje intwaro ziremereye, ibi byiyongera ku makuru agamije kwangisha abaturage ba Congo u Rwanda atambutswa ku bitangazamakuru bya Leta y’iki gihugu.