skol
Kigali

Boeing yumvikanye n’imiryango yapfushije abayo mu mpanuka y’indege ya Ethiopia Airlines

Amakuru   Yanditswe na: Dusingizimana Remy 11 November 2021

Boeing yageze ku bwumvikane n’imiryango y’abantu 157 bapfiriye mu mpanuka yo mu 2019 yabereye muri Ethiopia y’indege yabo 737 Max.

Iyi kompanyi ikora indege yemeye kuryozwa impfu zabo, nk’uko inyandiko z’urukiko rw’i Chicago zibivuga.

Ku rundi ruhande, imiryango yabuze abayo nayo ntizasaba iyo kompanyi impozamarira z’igihano (zikomeye).

Abanyamategeko b’iyo miryango nubwo bishimiye ubu bwumvikane nk’intambwe ikomeye, bavuga ko Boeing "izakomeza kwirengera byuzuye" iyi mpanuka.

Ubu bwumvikane bufunguriye amayira imiryango yo hanze ya Amerika, mu bihugu by’abapfuye barimo n’umunyarwanda, kuregera indishyi mu nkiko zo muri Amerika, aho kuregera iz’iwabo, ibishobora kugorana kurushaho no kuvamo kwishyurwa macye.

Mark Pegram wo mu Bwongereza, ufite umuhungu we Sam uri mu bapfuye, yagize ati: "Icy’ingenzi cyiza kuri twe ni uko Boeing yemeye uburyozwacyaha, ntisunikire icyaha kuri Ethiopian Arilines cyangwa abapilote...Twashakaga ko bamanika amaboko yabo."

Ubwo iriya ndege yagwaga, indege za 737 Max nizo zagurwaga kurusha izindi za Boeing.

Ariko impanuka ebyiri zikomeye mu mezi atanu - iya Ethiopian Airlines yari ihagurutse i Addis Ababa n’iya Lion Air yahanutse ikagwa mu nyanja muri Indonesia mbere yaho - byerekanye ko hari ikibazo gikomeye muri tekinike y’ubu bwoko bw’indege.

Izo ndege zabujijwe kuguruka igihe cy’amezi 20, mu gihe hariho hakorwa iperereza, ariko nyuma zemererwa kongera gukora nyuma y’uko Boeing ikoze impinduka muri ’software’ yazo n’amahugurwa.

Ubu bwumvikane - bwagezweho i Chicago muri leta ya Illinois, ahari icyicaro gikuru cya Boeing - bufunguriye imiryango ibirego by’impozamarira.

Mu gihe butavuga urugero urwo ari rwo rwose rw’impozamarira kuri iyo miryango, ubu bwumvikane buzashyiraho imbibi ku kindi kirego kirenze icyo.

Inzobere mu mategeko zivuga ko ubu bwumvikane kandi butuma abahoze mu butegetsi bukuru n’ababurimo ubu muri Boeing badashobora guhamagarwa mu nkiko.

Mu itangazo, iyi kompanyi yavuze ko "Boeing yiyemeje ko imiryango yose yabuze abayo muri ziriya mpanuka izarihwa byuzuye kandi bikwiye ku gihombo cyayo."

Yongeraho ko "mu kwemera uruhare rwayo, ubwumvikane bwa Boeing n’iyi miryango buratuma izo mpande zishyira ingufu mu kugena impozamarira ikwiye kuri buri muryango."

Abanyamategeko b’iyo miryango basohoye itangazo rivuga ko muri ubu bwumvikane, Boeing yemeye ko "737 Max yari ifite ubusembwa, kandi itazagira undi wese ishaka gushyiraho impamvu" y’iyo mpanuka.

Aba banyamategeko bavuze ko iyi ari intambwe ikomeye kuri iyi miryango mu kubona ubutabera kuko "Boeing izakora ku buryo yose ifatwa bingana mu guhabwa impozamarira iteganywa n’itegeko rya Illinois, inareba niba umwanzuro wafatirwa mu rukiko cyangwa mu kumvikana."

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Kenya: Abantu 11 muri 31 baguye muri Bisi yari itwaye Korali bari abo mu...

Kuwa Gatandatu w’icyumweru gishize nibwo imodoka ya Bisi itwara abanyeshuri...
6 December 2021 0

Yagiye gutabara abavandimwe bashwanaga bimuviramo urupfu

Abapolisi bo mu burasirazuba bwa Marakwet, mu ntara ya Elgeyo Marakwet...
5 December 2021 0

Imodoka yari itwaye abaririmbyi bo muri Chorale yaguye mu mugezi abarenga...

Abantu basaga 23 nibo bamaze kumenyekana ko baraye bapfuye ubwo imodoka...
5 December 2021 0

Impamvu ubwoko bushya bwa COVID-19 bwiswe Botswana buhangayikishije...

Ubwongereza uyu munsi burahagarika ingendo ziva mu bihugu bimwe byo mu...
26 November 2021 0

Tanzania yakuyeho itegeko ryabuzaga abakobwa batwite kwiga

Leta ya Tanzania yavuze ko yakuyeho itegeko ryari rimaze imyaka 19,...
25 November 2021 0

Kenya: Hashyizweho itegeko ry’uko utarakingiwe Covid-19 nta serivisi n’imwe...

Leta ya Kenya igiye gushyiraho ibwiriza ry’uko guhera mu kwezi gutaha...
22 November 2021 1