skol
Kigali

Brazil: Abamaze kwicwa na Covid-19 bageze ku 500.000

Amakuru   Yanditswe na: Dusingizimana Remy 20 June 2021

Umubare w’abantu bamaze gupfa bivuye ku mpfu zifitanye isano na Covid-19 muri Brazil umaze kurenga 500.000, uyu ukaba ari wo mubare wa kabiri munini ku isi.


Inzobere zivuga ko iki cyorezo gishobora kurushaho kwiyongera muri iki gihugu, mu gihe ibikorwa byo gukingira birimo kugenda gahoro kandi n’igihe cy’ubukonje kikaba gitangiye.

Iyi virusi ikomeje gukwirakwira muri Brazil, Perezida Jair Bolsonaro we akaba arimo yanga gushyigikira ingamba zo kuyirwanya zirimo nko kutegerana kw’abantu.

Ikigo Fiocruz cy’ubuzima cya Brazil kivuga ko ibintu "bikomeye" muri iki gihe. 15% by’abaturage bakuru ni bo bamaze gukingirwa byuzuye.

Inteko ishingamategeko ya Brazil irimo gukora iperereza kuri guverinoma ku kuntu irimo kwitwara mu guhangana n’iki cyorezo.

Perezida Bolsonaro yanenzwe bikomeye kubera kudashyiraho uburyo buhuriweho bwo ku rwego rw’igihugu bwo guhangana na Covid-19.

Yanenzwe bikomeye kandi kubera ko ashidikanya ku nkingo, gahunda za guma mu rugo no kwambara agapfukamunwa, we aba ashaka kuziregeza.

Abatavuga rumwe n’ubutegetsi bwe bamushinja gukerereza gahunda yo kugura inkingo ashingiye ku mpamvu za politiki, ndetse yakomeje gucyerensa ubukana bw’iki cyorezo.

Iki cyorezo muri Brazil cyakongejwe n’amoko mashya ya coronavirus yandura cyane, arimo ubwoko bwabonetse bwa mbere mu karere ka Amazon, ubu buzwi ku izina rya Gamma.

Muri rusange, muri iki cyumweru gishize ku munsi habonetse abarwayi bashya 70.000.

Ikigero cy’abari ku bitanda by’indembe mu bitaro kiracyari kuri 80% cyangwa hejuru yaho muri nyinshi muri leta zigize Brazil.

Kandi inzobere zaburiye ko kuba mu cyumweru kiri imbere igihe cy’ubukonje kizatangira mu gice cy’amajyepfo, bishobora gutuma haboneka abandi bantu benshi bandura iyi virusi.

Ikigo Fiocruz cy’ubuzima cya Brazil cyagize kiti: "Brazil yugarijwe n’igihe gikomeye cyo kwiyongera k’ubwandu mu bantu hagati yabo [abatagize aho bahurira n’undi muntu uzwi ko yanduye]..."

"Birashoboka ko ibintu byahuhuka mu byumweru biri imbere kubera gutangira kw’igihe cy’ubukonje".

Ku rubuga rwa Twitter, Minisitiri w’ubuzima Marcelo Queiroga yifatanyije na "ba se, ba nyina, inshuti na benewabo" b’abapfuye, agira ati: "Ubuzima bw’abantu 500.000 bwatikiye kubera icyorezo cyibasiye Brazil yacu n’isi yose".

Ku isi, Amerika yonyine ni yo imaze gutangaza umubare w’abishwe na Covid-19 uruta uwo wo muri Brazil.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Tanzania yakuyeho itegeko ryabuzaga abakobwa batwite kwiga

Leta ya Tanzania yavuze ko yakuyeho itegeko ryari rimaze imyaka 19,...
25 November 2021 0

Kenya: Hashyizweho itegeko ry’uko utarakingiwe Covid-19 nta serivisi n’imwe...

Leta ya Kenya igiye gushyiraho ibwiriza ry’uko guhera mu kwezi gutaha...
22 November 2021 1

Umuti wa mbere wa SIDA uterwa mu rushinge wemejwe

Abantu ibihumbi n’ibihumbi barwaye Virusi itera SIDA bagiye guhabwa umuti...
20 November 2021 0

Miliyoni z’amadolari z’imari ya leta zohererejwe inshuti za Joseph Kabila ari...

Kompanyi z’umuryango n’inshuti za Joseph Kabila wahoze ari Perezida wa...
19 November 2021 0

Ubuhinde: Umukobwa w’imyaka 16 yavuze ko amaze gusambanywa ku ngufu...

Nibura abagabo barindwi bafatiwe mu burengerazuba bw’Ubuhinde nyuma y’AHO...
18 November 2021 0

Cambodia: Abantu 7 bahitanwe n’imvange y’ibinyobwa banyoye bari mu kato ka...

Abakozi barindwi bo muri Kamboje bapfuye nyuma yo kunywa inzoga bahawe...
13 November 2021 0