skol
Kigali
Fortebet

Burundi: Abarenga 200 birukanwe ku musozi bari bamazeho umwaka urenga bategereje kugaruka kwa Yesu

Amakuru   Yanditswe na: Dusingizimana Remy 11 July 2022

Abantu barenga 200 bavuga ko biyomoye ku idini ry’aba Adventiste b’Umunsi wa karindwi bari bamaze umwaka baba mu masengesho ku musozi muremure wa Ruhero (mu ntara ya Citoke) muri gahunda yo gutegereza kugaruka kwa Yesu kristo.

Ikinyamakuru UBM News kivuga ko kuwa gatanu,aribwo Guverineri w’intara ya Cibitoke ari kumwe n’igipolisi hamwe n’abayobozi baturuka mu makomine ane (Murwi, Mabayi, Rugombo, Mugina) asanzwe ahana imbibi n’uwo musozi wa Ruhero bawugezeho maze bafata umwanzuro wo kwirukana abo bantu kugira ngo basubire mu ntara zitandukanye baturutsemo

Abayobozi bo muri iyo ntara ya Cibitoke batangaje ko badashobora kwemera ko abantu bata ingo zabo bagakura n’abana ku mashuri bitwaje Imana.

Abana bari kumwe n’ababyeyi bari kuri uwo musozi wa Ruhero ntibajyaga ku ishuri kimwe n’abandi. Umwe muri abo babyeyi bari kuri uwo musozi yavuze ko abana babo bari bafite umwarimu.

Nkuko Radiyo Ijwi rya Amerika yabitangaje, Uwitwa Estella Irankunda uri mu bagiye gusengera kuri uwo musozi kugira bategereze kuza kwa Yesu ,yavuze ko ibyabageraho byose bitabatera ubwoba kuko ngo biba byarahishuwe.

Guverineri w’intara ya Cibitoke, Carême Bizoza yavuze ko badashobora kwemera ko haba abantu bo mu ntara ayoboye bitwara uko bishakiye bakarenga ku mategeko y’igihugu.

Yasabye abaturage b’aho i Ruhero gufatanya n’abayobozi hamwe n’abashinzwe umutekano kugira ngo ntihazagire abantu bongera kubinjirana bitwaje gusenga.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Zimbabwe: Indwara ya Shishikara yibasira abana imaze guhitana...

Indwara ya Shishikara yabaye nk’icyorezo muri Zimbabwe, kuko ubu imaze...
17 August 2022 0

Omicron yakorewe urukingo rwihariye rushobora kuzayihangamura

Uru rukingo rwa Moderna rwahawe uburenganzira n’ikigo cy’Abongereza gishinzwe...
16 August 2022 0

Puderi ya Johnson baby yarimaze imyaka 130 icuruzwa igiye kuvanwa ku...

Ubwo ko bw’iyi Puderi bwamenyekanye cyane mu myaka myishi ishize kandi...
13 August 2022 0

Ingona yaciye umutwe umwana w’umuhungu wari ugiye kuroba

Umwana muto yaciwe umutwe n’ingona ubwo yari kumwe n’incuti ze bari bajyanye...
9 August 2022 0

USA yatangaje ibihara by’inguge nk’ ikibazo gikeneye gukemurwa...

Leta zunze ubumwe z’ Amerika yatangaje ko indwara y’ibihara by’inguge ari...
5 August 2022 0

DR Congo: UNHCR ’ntigishoboye’ kwita ku bibazo by’impunzi

Ishami rya ONU ryita ku mpunzi UNHCR muri DR Congo ryatangaje ko kubera...
3 August 2022 1