skol
Kigali

Covid-19: Israel irashaka kuba igihugu cya mbere gitanze doze enye z’urukingo

Amakuru   Yanditswe na: Dusingizimana Remy 22 December 2021

Leta ya Israel yatangaje ko iteganya gutanga doze ya kane y’urukingo rwa COVID-19 ikaba ibaye igihugu cya mbere giteye iyi ntambwe. Iyi gahunda kwi ikubitiro ikazatangirira ku bantu barengeje imyaka 60.

Inzobere za Israel ku ndwara z’ibyorezo zatanze inama ko doze ya kane yo gushimangira yatangwa ku bantu bafite hejuru y’imyaka 60 no ku bakozi bo mu rwego rw’ubuvuzi.

Minisitiri w’intebe Naftali Bennett yashimye iyo gahunda, asaba abategetsi gutangira kwitegura.

Ni nyuma yuko ku wa kabiri Israel yemeje umurwayi wa mbere uzwi ko yishwe na Omicron.

Minisiteri y’ubuzima yavuze ko kugeza ubu muri Israel hari abantu bazwi batari munsi ya 340 banduye ubwo bwoko bushya.

Icyemezo cyo gutanga doze ya kane yo gushimangira kiracyategereje kwemezwa n’abategetsi bo hejuru bo mu rwego rw’ubuvuzi, ariko ibiro bya Bwana Bennett byabwiye BBC ko byizeye gutanga iyo doze ku bantu bamaze nibura amezi ane bahawe doze ya gatatu.

Bwana Bennett, ubwo yashishikarizaga abantu gufata iyo doze mu gihe cya vuba gishoboka, yagize ati: "Iyi ni inkuru nziza cyane izadufasha kunyura mu nkubiri ya Omicron irimo kwibasira isi".

Ubwo ibikorwa byo gukingira Covid-19 byatangiraga, muri Israel inkingo zatanzwe mu buryo bwihuse ndetse muri rusange umubare munini witabira kuzihabwa.

Ariko nubwo byagenze gutyo, abagera kuri 63% by’abaturage miliyoni 9.3 ni bo kugeza ubu bamaze gufata doze ebyiri. Ku ruhande rumwe ibi biterwa no kuba Israel muri rusange ari igihugu gifite abaturage bo mu cyiciro cy’urubyiruko - hafi kimwe cya gatatu cy’abaturage bayo bafite munsi y’imyaka 14.

Mu gushaka gucyemura iki kibazo, mu kwezi kwa cumi na kumwe Israel yatangaje ko abana bafite guhera ku myaka itanu kuzamura na bo bashobora gukingirwa.

Ku wa mbere, Bwana Bennett yavuze ko ashaka ko buri mwana wese ugejeje gufata urukingo aba yaruhawe bitarenze mu byumweru bibiri biri imbere mu gufasha "gutinza, kugendesha buhoro no kugabanya" imbaraga z’indi nkubiri y’ubwandu.

Iki gihugu gisanzwe cyarongereye urutonde rw’ibihugu bibujijwe gukorana na cyo ingendo z’indege, ruriho n’Amerika, Ubudage, Ubutaliyani na Canada, mu kugerageza guhagarika ikwirakwira ry’ubwandu bw’iyi virusi.

Kuva iki cyorezo cyatangira, Israel imaze gutangaza abantu miliyoni 1,3 banduye Covid, n’abantu 8,232 bishwe na yo, nkuko bigaragazwa n’imibare yakusanyijwe na Kaminuza ya Johns Hopkins yo muri Amerika.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ibrahim Boubacar Keïta wabaye Perezida wa Mali yitabye Imana

Ibrahim Boubacar Keïta wahoze ayobora Mali mbere y’uko ahirikwa ku butegetsi...
16 January 2022 0

Abantu 5 bo mu muryango umwe bahitanwe icyarimwe n’impanuka y’imodoka

Kuwa Gatanu w’icyumweru gishize,nibwo hashyinguwe abantu 5 bo mu muryango...
11 January 2022 0

USA: Yabaye umuntu wa mbere utewemo umutima w’ingurube yakujijwe mu...

Bwa mbere mu mateka, muri Leta zunze Ubumwe za Amerika, umurwayi witwa...
11 January 2022 0

Umufasha wa Perezida w’U Burundi yagaragaye ari kokereza ibigori umushyitsi...

Madamu wa Perezida w’u Burundi,Angeline Ndayishimiye yashyize hanze amafoto...
10 January 2022 0

Umugore yataye uruhinja yari amaze kubyara mu bwiherero bw’indege ya Air...

Abakozi bo ku kibuga cy’indege cya Maurice batoye uruhinja rukivuka rwasizwe...
4 January 2022 0

Urwego rwa UN rwategetse Niger guhagarika kwirukana abanyarwanda yari...

Urwego rwashinzwe kurangiza imanza zasigajwe n’inkiko mpuzamahanga...
2 January 2022 0