Rutahizamu wa Manchester United, Cristiano Ronaldo, kimwe n’abandi bakinnyi b’ibyamamare benshi ku isi barahamagarira amahoro nyuma yuko Uburusiya buteye Ukraine.
Ibi bibaye nyuma y’uko Perezida w’Uburusiya Vladimir Putin atangaje intambara kuri Ukraine ku wa kane, tariki ya 24 Gashyantare, ategeka gutera ibisasu muri kiriya gihugu.
Uyu mukinnyi w’umupira w’amaguru w’imyaka 37 yagiye kuri Instagram akurikirwaho miliyoni 407,yandika ati: "Turashaka kurema isi nziza ku bana bacu.Dusengere amahoro (...)

Sponsored Ad

Rutahizamu wa Manchester United, Cristiano Ronaldo, kimwe n’abandi bakinnyi b’ibyamamare benshi ku isi barahamagarira amahoro nyuma yuko Uburusiya buteye Ukraine.

Ibi bibaye nyuma y’uko Perezida w’Uburusiya Vladimir Putin atangaje intambara kuri Ukraine ku wa kane, tariki ya 24 Gashyantare, ategeka gutera ibisasu muri kiriya gihugu.

Uyu mukinnyi w’umupira w’amaguru w’imyaka 37 yagiye kuri Instagram akurikirwaho miliyoni 407,yandika ati: "Turashaka kurema isi nziza ku bana bacu.Dusengere amahoro ku isi yacu."

Ikipe ya Man United ya Ronaldo yahagaritse amasezerano yo gukorana na Kompanyi y’indege ya Aeroflot yo mu Burusiya yayinjirizaga miliyoni 40 z’amapound kubera iyi ntambara.

Amasezerano y’imyaka itandatu bari bafitanye n’iyi kompanyi y’Uburusiya yari asigaje amezi 18 yo gukorana, ariko United yemeje ku wa gatanu ko yahagaritswe.

Iyi kipe kandi irateganya kuvanaho ikirango cya Aeroflot kuri Old Trafford - aho izina ry’iyi kompanyi y’indege ryanditse muri parikingi inyuma ya Stretford End.

Mu Burusiya abantu barenga 5000 bamaze gutabwa muri yombi bari mu myigaragambyo ikomeje kubera muri iki gihugu yamagana intambara irimo kubera muri Ukraine.