skol
Kigali
Fortebet

Elon Musk yahakanye kuryamana n’umugore w’uwashinze Google

Amakuru   Yanditswe na: Dusingizimana Remy 25 July 2022

Elon Musk, umukire wa mbere ku isi, yahakanye ko yagiranye imibonano mpuzabitsina na Nicole Shanahan, umugore wa Sergey Brin wafatanyije n’undi mugabo gushinga Google.

Musk yabivuzeho nyuma y’uko ikinyamakuru Wall Street Journal kivuze ko ubucuti bwe na Brin bwahagaritswe n’uko kumuca inyuma.

Asubiza ibyatangajwe kuri Twitter, Musk yise ayo makuru “total bs” ugenekereje bisobanuye ‘umwanda gusa’.

Musk yakomeje avuga ko akiri inshuti na Brin kandi ko “twari kumwe mu birori nijoro!”

Isubiramo abazi neza iyo nkuru, Wall Street Journal ivuga ko mu mpera z’umwaka ushize Musk yagiranye umubano wihariye w’igihe gito na Nicole Shanahan.

Ibyo ngo byateye Brin gusaba gatanya mu ntangiriro z’uyu mwaka, no kurangira k’ubucuti bw’aba baherwe bakijijwe n’ikoranabuhanga, nk’uko iki kinyamakuru kibivuga.

Ariko Musk yanditse kuri Twitter ati: “Nabonye Nicole kabiri mu myaka itatu, inshuro zombi twari hamwe n’abantu benshi. Nta kintu cy’urukundo.”

Mu Ukuboza (12) igihe gikekwa cy’uwo mubano, Brin n’umugore we bari batandukanye ariko kandi bakibana, nk’uko Wall Street Journal ivuga ko ibikesha umuntu wa hafi ya Nicole.

Mu bundi butumwa kuri Twitter, Musk yavuze ko "WSJ [Wall Street Journal] yanditse umwanda mwinshi kuri njye na Tesla ntagishobora kubara."

Musk, nyiri uruganda rw’imodoka zigezweho rwa Tesla hamwe n’urw’ibyogajuru SpaceX, ubu ari mu rubanza kubera kwivana mu mugambi wo kugura Twitter kuri miliyari $44.

Mu ntangiriro z’uku kwezi, uru rubuga rwaramureze nyuma y’uko atangaje ko avuye mu byo kurugura ngo rube urwe.

Musk niwe muntu ukize kurusha abandi ku isi, umutungo we ubarirwa kuri miliyari $240, nk’uko Bloomberg Billionaires Index ibivuga.

Iyo Index kandi ivuga ko Brin Sergey afite umutungo wa miliyari $95, akaba uwa munani ku rutonde rw’abakize cyane ku isi.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Zimbabwe: Indwara ya Shishikara yibasira abana imaze guhitana...

Indwara ya Shishikara yabaye nk’icyorezo muri Zimbabwe, kuko ubu imaze...
17 August 2022 0

Omicron yakorewe urukingo rwihariye rushobora kuzayihangamura

Uru rukingo rwa Moderna rwahawe uburenganzira n’ikigo cy’Abongereza gishinzwe...
16 August 2022 0

Puderi ya Johnson baby yarimaze imyaka 130 icuruzwa igiye kuvanwa ku...

Ubwo ko bw’iyi Puderi bwamenyekanye cyane mu myaka myishi ishize kandi...
13 August 2022 0

Ingona yaciye umutwe umwana w’umuhungu wari ugiye kuroba

Umwana muto yaciwe umutwe n’ingona ubwo yari kumwe n’incuti ze bari bajyanye...
9 August 2022 0

USA yatangaje ibihara by’inguge nk’ ikibazo gikeneye gukemurwa...

Leta zunze ubumwe z’ Amerika yatangaje ko indwara y’ibihara by’inguge ari...
5 August 2022 0

DR Congo: UNHCR ’ntigishoboye’ kwita ku bibazo by’impunzi

Ishami rya ONU ryita ku mpunzi UNHCR muri DR Congo ryatangaje ko kubera...
3 August 2022 1