skol
Kigali

Ethiopia:UN iraburira ko abantu 400,000 bari mu nzara kubera intambara ya Tigray

Amakuru   Yanditswe na: Dusingizimana Remy 3 July 2021

Imirwano iherutse kubera mu karere ka Tigray mu majyaruguru ya Ethiopia yatumye haduka inzara ubu yibasiye abantu barenga 400,000, nkuko abategetsi bo mu muryango w’abibumbye (ONU/UN) babivuga.


Mu nama yako ya mbere yo mu ruhame yiga ku makuba muri ako karere, akanama k’umutekano ka ONU kaburiye ko abana bagera ku 33,000 bibasiwe n’imirire mibi mu buryo bukomeye.

Abategetsi bavuze ko abandi bantu bagera kuri miliyoni 1.8 bari mu byago byo kwicwa n’inzara kubera iyi mirwano imaze amezi umunani.

Banaburiye ko hashobora kubaho indi mirwano nubwo hatangajwe agahenge.

Ku wa mbere, leta ya Ethiopia - yari imaze ayo mezi irwana n’abarwanyi bo mu karere ka Tigray - yatangaje agahenge.

Ariko inyeshyamba zasezeranyije kwirukana "abanzi" bakava muri ako karere, ndetse hari amakuru yuko hagiye habaho gukozanyaho kwa hato na hato, mu gihe amahanga arimo kotsa igitutu impande zose zirwana ngo zihagarike imirwano.

Imirwano hagati y’umutwe wa Tigray People’s Liberation Front (TPLF) - ubu wifatanyije n’indi mitwe bagakora umutwe wa Tigray Defence Forces (TDF) - n’ingabo za leta ya Ethiopia, yiciwemo abantu babarirwa mu bihumbi, abarenga miliyoni ebyiri bata ingo zabo.

Impande zose ziri mu mirwano zashinjwe kwica abantu mu kivunge ndetse n’ibindi bikorwa byo guhonyora uburenganzira bwa muntu.

Ku wa gatanu, abasirikare ba leta ya Ethiopia babarirwa mu bihumbi bafatiwe mu mirwano batambagijwe mu mihanda yo mu murwa mukuru Mekelle wa Tigray, nkuko bitangazwa n’ikinyamakuru The New York Times.

Ku wa gatanu, mu nama yabereye i New York, umutegetsi wo mu ishami rya ONU rishinzwe ibikorwa byo gutanga imfashanyo yabwiye akanama k’umutekano ko uko ibintu bimeze muri Tigray byahuhutse kurushaho mu byumweru bya vuba aha bishize.

Ako karere karimo "inzara ya mbere ikaze tubonye mu myaka ibarirwa muri za mirongo ishize", nkuko Ramesh Rajasingham yabivuze.

Yongeyeho ati: "Abantu hafi miliyoni 5.2 baracyacyeneye imfashanyo - benshi muri bo ni abagore n’abana".

Leta ya Ethiopia yahakanye ibirego byuko irimo gutambamira imfashanyo, nyuma yuko mu ntangiriro y’iki cyumweru inyeshyamba zo muri Tigray zigaruriye igice kinini cy’ako karere ko mu majyaruguru y’icyo gihugu.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ubuhinde: Umugabo yafunzwe azira kwica umugore we amurishije inzoka...

Umugabo wo mu Buhinde, wahamwe no kwica umugore amurishije inzoka y’inshira...
13 October 2021 0

Ubufaransa: Gariyamoshi yishe abimukira batatu baryamye mu nzira

Abimukira batatu bishwe na gariyamoshi naho undi umwe arakomereka bikomeye...
13 October 2021 0

Umusemuzi wafashije mu gutabara Biden mu 2008 yahunze Afghanistan

Umusemuzi wo muri Afghanistan wafashije mu gutabara Joe Biden wari ukiri...
12 October 2021 0

Perezida Ndayishimiye n’umuryango we bagaragaye bari guhinga...

Umukuru w’igihugu cy’u Burundi,Ndayishimiye n’umuryango we bagaragaye bafashe...
11 October 2021 0

DR Congo: Uko amafaranga yo kurwanya Covid-19 yaburiwe irengero –...

Amafaranga yaburiwe irengero, uburyo bwo guhemba budasobanutse ndetse...
10 October 2021 0

Umubikira wo muri Colombia washimutiwe muri Mali mu 2017 yarekuwe

Umubikira wo muri Colombia mu myaka ine ishize washimutiwe muri Mali...
10 October 2021 0