skol
Kigali

Haiti: Perezida Jovenel Moïse yatewe n’abagizi ba nabi baramuhitana

Amakuru   Yanditswe na: Dusingizimana Remy 7 July 2021

Perezida Jovenel Moise wa Haiti yiciwe iwe mu rugo mu ijoro ryacyeye n’abagizi ba nabi bamurashe nkuko byatangajwe na Minisitiri w’intebe w’agateganyo.

Itangazo ryashohowe na Minisitiri w’Intebe w’agateganyo, ni uwitwa Claude Joseph, ryemejwe ko Perezida Jovenel Moïse yarasiwe iwe.

Jovenel w’imyaka 53 wagiye ku butegetsi mu 2017,yishwe arashwe n’aba bagizi ba nabi ariko nta makuru arambuye aratangazwa ku rupfu rwe.

Amakuru ahari avuga ko ahagana saa saba z’igitondo cyo kuri uyu wa Gatatu tariki ya 7 Nyakanga 2021,abagizi ba nabi bataramenyekana bavugaga icyesipanyole,bateye inyubako bwite ya Perezida Jovenel baramurasa yicwa n’amasasu.

Umufasha we nawe yarashwe ubu arwariye mu bitaro nkuko byatangajwe mu itangazo ryashyizwe hanze na Minisitiri w’Intebe Claude Joseph wanahise atangaza ko ariwe uyoboye igihugu by’agateganyo.

Minisitiri Claude Joseph yamaganye ibi bikorwa bya kinyamaswa by’aba bagizi ba nabi bahitanye Perezida,asaba abaturage gutuza ndetse abizeza ko ingabo na Polisi bacunze neza umutekano.

Perezida Moise yayoboye igihugu cya Haiti gikenye kurusha ibindi ku mugabane w’Amerika [muri Karayibe] mu buryo bugoranye kuko amatora yemewe n’amategeko yagombaga kuba muri 2018 yigijwe inyuma kubera imyigaragambyo yari mu gihugu.

Uretse ukwiyongera kw’ibibazo bya Politiki,muri Haiti hagwiriye ibikorwa by’abagizi ba nabi bashimuta abantu bagasaba inshungu [ingurane y’amafaranga] ndetse hari n’ibindi bikorwa by’ubugizi bwa nabi bikorwa n’amabandi yitwaje intwaro.

Haiti kandi yazonzwe cyane n’ibibazo by’imitingito ikomeye yasenye byinshi igatuma abaturage barushaho gukena.



Perezida wa Haiti yahitanwe n’abagizi ba nabi

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Tanzania yakuyeho itegeko ryabuzaga abakobwa batwite kwiga

Leta ya Tanzania yavuze ko yakuyeho itegeko ryari rimaze imyaka 19,...
25 November 2021 0

Kenya: Hashyizweho itegeko ry’uko utarakingiwe Covid-19 nta serivisi n’imwe...

Leta ya Kenya igiye gushyiraho ibwiriza ry’uko guhera mu kwezi gutaha...
22 November 2021 1

Umuti wa mbere wa SIDA uterwa mu rushinge wemejwe

Abantu ibihumbi n’ibihumbi barwaye Virusi itera SIDA bagiye guhabwa umuti...
20 November 2021 0

Miliyoni z’amadolari z’imari ya leta zohererejwe inshuti za Joseph Kabila ari...

Kompanyi z’umuryango n’inshuti za Joseph Kabila wahoze ari Perezida wa...
19 November 2021 0

Ubuhinde: Umukobwa w’imyaka 16 yavuze ko amaze gusambanywa ku ngufu...

Nibura abagabo barindwi bafatiwe mu burengerazuba bw’Ubuhinde nyuma y’AHO...
18 November 2021 0

Cambodia: Abantu 7 bahitanwe n’imvange y’ibinyobwa banyoye bari mu kato ka...

Abakozi barindwi bo muri Kamboje bapfuye nyuma yo kunywa inzoga bahawe...
13 November 2021 0