skol
Kigali

HCR yamaganye gahunda y’ Ubwongereza yo kohereza abimukira mu Rwanda

Amakuru   Yanditswe na: Dusingizimana Remy 10 June 2022

Urukiko rukuru rw’Ubwongereza rwabwiwe ko ishami rya ONU rishinzwe impunzi kw’isi, HCR, ryamenyesheje ubugira kabiri Minisieiri y’ubutegetsi y’Ubwongereza ko amasezerano bagiranye n’u Rwanda yo kohereza abasaba ubuhungiro muri icyo gihugu adakurikije amategeko.

Umucamanza w’iryo shyirahamwe yavuze ibyo ubwo harimo kuba urubanza rugamije kubuza ko ayo masezerano ashyirwa mu ngiro.

Abanyamategeko ba Minisiteri y’ubutegetsi mu Bwongereza bavuze ko umugambi wo kohereza mu Rwanda abashaka ubuhungiro udashobora guhagarikwa n’abawurwanya bishingikirije amategeko – kubera ko uri mu nyungu z’abaturage.

Leta ishaka guca intege abantu bambuka Manche bajya gushaka ubuhungiro mu Bwongereza ndetse ikavuga ko amadosiye yabo azigirwa mu Rwanda.

Mu rukiko, abo banyamategeko basabye umucamanza kudaha agaciro ibirego byashyikirijwe urukiko mu izina rya buri umwe mu basaba ubuhungiro.

Abantu bagera ku 100 babwiwe ko bashonbora koherezwa mu ndege ya mbere, ku wa kabiri.

Mbere y’uko iryo tegeko ritangira, byamenyekanye ko nibura abantu batatu babwiwe ko batakiri ku rutonde rw’abazatwarwa n’iyo ndege.

Itegeko rishingiye ku bwumvikane bwa Minisiteri y’Ubutegetsi mu Bwongereza n’u Rwanda ryo kohereza muri iki gihugu bamwe mu bashaka ubuhungiro kugira ngo amadosiye yabo abe ari ho yigirwa – mu gihe mu nzira yabo yo kujya mu Bwongereza, baba baraciye mu kindi gihugu gitekanye bari kuba barashatsemo ubuhungiro.

Mu gihe dosiye yabo izaba irimo kwigirwa mu Rwanda, bazahabwa aho baba kandi bafashwe, bigenze neza, bashobore kuguma mu Rwanda bafashwa kwiga no gufashwa mu gihe cy’imyaka itanu.

Abo amadosiye yabo atazemerwa mu Rwanda bazahabwa amahirwe yo gusaba uburenganzira bwo gusaba kwinjira (visa) biciye mu zindi nzira n’iba bashaka kuguma muri iki gihugu, ariko kandi bazaba bashobora no kwirukanwa.

Muri gahunda, umugambi wo kohereza mu Rwanda abagerageza kwinjira mu Bwongereza by’umwihariko abanyuze mu bwato bakanyura muri Manche,ugamije guca intege ababitekereza bivugwa ko bagera ku 10.000 buri mwaka.

Amasezerano y’u Rwanda n’Ubwongereza yamaganwe n’abaharanira uburenganzira bw’impunzi, n’abantu ku giti cyabo barimo n’umunyamabanga wa ONU, Antonio Guterres.

Amasezerano y’ibihugu byombi avuga ko mu igerageza ry’ibanze u Rwanda ruhabwa miliyoni £120 yo gufasha gutuza abo bimukira.

Minisitiri w’intebe Ngirente aheruka kuvuga ko kwakira abo bantu ari igikorwa cy’ubugiraneza, ati "hagize ubirakarira uwo arihangana ntakundi".

Yavuze ko ubwo u Rwanda rwakiraga impunzi zivuye muri Libya hashobora kuba hari abatarabyishimiye, ariko ko "nyuma bimaze gukorwa abantu barabyishimiye".

Ati: "Birumvikana ko buri mwanzuro wafata wose ntihabura uvuga ati ese mama ni mwiza? Nibi rero turabizi ko nibimara gukorwa abantu bazabyishimira."

Kuva umwaka wa 2020 watangira kugeza mu kwezi kwa Kanama k’uwo mwaka, u Bwongereza bwari bumaze kwakira abimukira 3950 banyuze muri ‘English Channel’. Muri abo harimo n’abana 23 bari munsi y’imyaka 18 binjiye muri icyo gihugu kuwa 7 Kanama 2020.

Byageze muri Mata 2022 u Bwongereza bwugarijwe cyane n’iki kibazo cy’abimukira kuko imibare yagaragaza ko uyu mwaka ushobora kurangira bwakiye abimukira ibihumbi 60 ugereranyije n’abarenga gato ibihumbi 28 bwakiriye mu 2021. Ibi byose byerekana imiterere ikomeye y’icyo kibazo.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Africa y’ahazaza itagira urubyiruko, 90% bifuza kwerekeza imahanga...

Ubushakashatsi bushya ku rubyiruko 4.500 ruri hagati y’imyaka 18-25...
23 June 2022 0

Impunzi yanditse amateka yo kuba umuganga wambere mu gisekuru...

Saleema niwe mpunzi yambere yo mu bwoko bw’aba Turkmen yabaye umuganga...
22 June 2022 0

Amagana y’abantu yatikiriye mu mutingito wibasiye intara ya Paktika

Umutingito w’isi ukaze wishe abantu batari munsi ya 250 unakomeretse abandi...
22 June 2022 0

UK:Hagiye guhindurwa icyemezo cy’urukiko kibuza Ubwongereza kohereza...

Icyemezo cy’urukiko rw’Uburayi rw’uburenganzira bwa muntu cyabujije kohereza...
22 June 2022 0

Tanzaniya : Inkende zashimuse uruhinja rwari ku ibere mu gituza cya...

Umuturage ari mu gahinda gakabije nyuma y’uko itsinda ry’inkende ryambuye...
21 June 2022 0

Perezida Biden yagushijwe n’igare imbere ya rubanda

Ku wa gatandatu mu gitondo, Joe Biden yakoze impanuka ari ku igare rye hafi...
18 June 2022 0