skol
Kigali
Fortebet

Igihe cyo gufata urukingo rwa 3 rwa Covid-19 cyagabanyijwe

Amakuru   Yanditswe na: Dusingizimana Remy 29 December 2021

Minisiteri y’Ubuzima mu Rwanda yatangaje ko abantu bose bahawe inkingo ebyiri bazajya bategereza amezi atatu gusa kugira ngo bahabwe urukingo rushimangira.

Ni mu gihe byari bisanzwe bizwi ko bisaba kuba umuntu amaze amezi atandatu ahawe urukingo rwa kabiri [akingiwe byuzuye], kugira ngo abashe guhabwa urushimangira.

Umunyamabanga wa Leta muri Minisiteri y’Ubuzima, Dr Mpunga Tharcisse yavuze ko bigaragara ko ubwandu burimo kuzamuka byihuse bityo gufata urukingo rushimangira bikaba bishobora kurinda abantu.

Mu kiganiro yagiranye na IGIHE dukesha iyi nkuru yagize ati “Ni icyemezo cyafashwe nyuma yo kubona uburyo icyorezo kirimo gukwirakwira byihuse hagati y’abantu bakingiwe.”

Yakomeje agira ati “Gufata urukingo rushimangira hakiri kare bizafasha mu kongera ubudahangarwa bw’umubiri bushobora guhangana na Omicron.”

Ubushakashatsi bugaragaza ko gufata urukingo rushimangira bishobora kurinda kwandura Omicron ndetse abayirwaye bakaba bashobora kutagira ibimenyetso cyangwa ngo barembe.

Dr Mpunga yavuze kandi ko abantu bahawe dose ya mbere ya AstraZeneca biragaragara ko ubudahangarwa bw’imibiri yabo buri hasi cyane.

Ati “Byagaragaye ko ubudahangarwa bwa AstraZeneca buri hasi kuri Omicron, ugereranyije n’izindi. Niyo mpamvu turi kubaha izishimangira za Pfizer na Moderna.”

Yasabye Abaturarwanda bose bujuje ibisabwa kujya ahari ibigo nderabuzima bibegereye kugira ngo babashe guhabwa inkingo zaba dose ebyiri zibanza ku bacikanwe ndetse n’urushimangira ku bamaze gukingirwa byuzuye.

U Rwanda rukomeje gushyira imbaraga mu bikorwa byo gukingira Abaturarwanda benshi kuko imibare yo ku wa 28 Ukuboza 2021, igaragaza ko kugeza ubu mu gihugu hose abantu bamaze guhabwa dose y’urukingo rushimangira ari 130 155.

Ni mu gihe abamaze guhabwa dose ya mbere ari 7 629 877 naho abahawe dose ebyiri [abamaze gukingirwa byuzuye] ari 5 435 180.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Kayitani

    Hari byinshi byo kwibazwaho

    December 2021

Inzindi nkuru

Zimbabwe: Indwara ya Shishikara yibasira abana imaze guhitana...

Indwara ya Shishikara yabaye nk’icyorezo muri Zimbabwe, kuko ubu imaze...
17 August 2022 0

Omicron yakorewe urukingo rwihariye rushobora kuzayihangamura

Uru rukingo rwa Moderna rwahawe uburenganzira n’ikigo cy’Abongereza gishinzwe...
16 August 2022 0

Puderi ya Johnson baby yarimaze imyaka 130 icuruzwa igiye kuvanwa ku...

Ubwo ko bw’iyi Puderi bwamenyekanye cyane mu myaka myishi ishize kandi...
13 August 2022 0

Ingona yaciye umutwe umwana w’umuhungu wari ugiye kuroba

Umwana muto yaciwe umutwe n’ingona ubwo yari kumwe n’incuti ze bari bajyanye...
9 August 2022 0

USA yatangaje ibihara by’inguge nk’ ikibazo gikeneye gukemurwa...

Leta zunze ubumwe z’ Amerika yatangaje ko indwara y’ibihara by’inguge ari...
5 August 2022 0

DR Congo: UNHCR ’ntigishoboye’ kwita ku bibazo by’impunzi

Ishami rya ONU ryita ku mpunzi UNHCR muri DR Congo ryatangaje ko kubera...
3 August 2022 1