skol
Kigali

Indege yakoreye impanuka i Milan ihitana umuherwe wo muri Romania n’umuryango we

Amakuru   Yanditswe na: Dusingizimana Remy 4 October 2021

Indege yagonze inyubako yo mu mujyi wa Milan ihitana abantu umunani bose bari bayirimo barimo n’umuherwe witwa Dan Petrescu w’imyaka 68 n’umuryango we.


Dan Petrescu w’imyaka 68, umugore we n’umuhungu we bapfiriye muri iyi ndege ya moteri imwe yakoreraga impanuka ahategerwa gari ya moshi muri San Donato Milanese.

Iyi ndege ya Pilatus PC-12 bivugwa ko yamanutse iri gushya igonga inyubako irimo ubusa muri uyu Mujyi wa Milan, nayo ihita ishya ndetse n’imodoka zari ziparitse imbere yayo ziragurumana.

Nk’uko Awsforwp ibitangaza, Petrescu, umwe mu bantu bakize cyane bo muri Romania yari kumwe n’umuhungu we Dan Stefan Petrescu w’imyaka 30, umugore we Regina Petrescu w’imyaka 65, n’incuti z’umuryango.

Ikinyamakuru Rainews.it kivuga ko Filippo Nascimbene, umugore we Claire Alexandrescou, umuhungu wabo Rafael w’umwaka wabo muto, na nyina Miruna Anca Wanda Lozinschi, na bo bose baguye muri iyo mpanuka.

Nascimbene yari umucuruzi wavukiye mu Butaliyani kandi umugore we na nyina bari Abafaransa.

Muri iyo ndege kandi hari inshuti y’umuhungu we wo muri Kanada witwa Julien Brossard w’imyaka 36.

Madamu Petrescu na we yari afite ubwenegihugu bubiri kandi afite pasiporo y’Ubufaransa, mu gihe umuhungu we yakoraga muri Kanada.

Indege yabo yari yerekeje ku kirwa cya Sardinia gusura nyina wa Petrescu w’imyaka 98 wari utuye muri villa y’umuryango.

Icyateye iyo mpanuka ntabwo cyahise kimenyekana, kuko Ikigo gishinzwe kugenzura ingendo z’indege cyo mu Butaliani, ENAV, cyatangaje ko cyabuze iyo ndege kuri radar mu minota mike igihaguruka, gusa hatangiye iperereza ry’icyateye iyo mpanuka.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ubuhinde: Umugabo yafunzwe azira kwica umugore we amurishije inzoka...

Umugabo wo mu Buhinde, wahamwe no kwica umugore amurishije inzoka y’inshira...
13 October 2021 0

Ubufaransa: Gariyamoshi yishe abimukira batatu baryamye mu nzira

Abimukira batatu bishwe na gariyamoshi naho undi umwe arakomereka bikomeye...
13 October 2021 0

Umusemuzi wafashije mu gutabara Biden mu 2008 yahunze Afghanistan

Umusemuzi wo muri Afghanistan wafashije mu gutabara Joe Biden wari ukiri...
12 October 2021 0

Perezida Ndayishimiye n’umuryango we bagaragaye bari guhinga...

Umukuru w’igihugu cy’u Burundi,Ndayishimiye n’umuryango we bagaragaye bafashe...
11 October 2021 0

DR Congo: Uko amafaranga yo kurwanya Covid-19 yaburiwe irengero –...

Amafaranga yaburiwe irengero, uburyo bwo guhemba budasobanutse ndetse...
10 October 2021 0

Umubikira wo muri Colombia washimutiwe muri Mali mu 2017 yarekuwe

Umubikira wo muri Colombia mu myaka ine ishize washimutiwe muri Mali...
10 October 2021 0