Raila Odinga ukuriye abatavugarumwe n’ubutegetsi muri Kenya yashyizwe mu kato nyuma y’uko kuwa kane nijoro bamusanzemo coronavirus.

Sponsored Ad

Kuwa kabiri, Bwana Odinga yashyizwe mu bitaro mu murwa mukuru Nairobi, afite ibimenyetso birimo umunaniro, nk’uko umuryango we ubivuga.

Mu itangazo ryasohowe na muganga we, yagize ati: "Ari koroherwa kubera imiti ari guhabwa…kandi ameze neza. Dukomeje gukurikirana uko amerewe."

Nyuma, Odinga nawe ubwe yasohoye itangazo avuga ko "yumva akomeye kandi ameze neza" ariko yemerwanyijwe n’abaganga kujya mu kato.

Kenya iri mu nkubiri ya gatatu ya Covid-19, nk’uko byatangajwe na minisitiri w’ubuzima waho.

Kuwa kane, iki gihugu cyatangaje abantu bashya 829 banduye - umubare munini ku munsi kugeza ubu muri uyu mwaka.

Odinga w’imyaka 76, ni umwe mu banyapolitiki bamaze amezi bakora ibikorwa byo guhuza imbaga y’abantu benshi ahatandukanye mu gihugu, hatitawe ku ngamba zo kwirinda iki cyorezo.

BBC