skol
Kigali
Fortebet

Kenya: Umukozi wa Minisiteri y’Uburezi yashinze ishuri rya baringa arya inkunga ya leta karahava

Amakuru   Yanditswe na: Dusingizimana Remy 31 May 2022

Umukozi wa ministeri y’uburezi muri Kenya yahimbye ishuri rya baringa hanyuma amara umwaka wose ahabwa amafranga y’inkunga igenewe gufasha amashuri kugeza avumbuwe.

Komisiyo ishinzwe kurwanya ruswa irashaka kugaruza miliyoni 11 z’Amashilingi uyu muyobozi muto muri minisiteri y’uburezi yanyereje abeshya ko yashinze ishuri rya baringa hanyuma yakira amafaranga ya leta.

Uyu mukozi w’umutekamutwe ngo yayaryoshyemo agura ibibanza n’imodoka yo kugendamo mbere y’uko atahurwa amaze guhabwa miliyoni 11 z’amashilingi.

Inyandiko zeretswe urukiko zatanzwe na komisiyo ishinzwe kurwanya ruswa (EACC) yerekana ko Bwana Joshua Ocharo Momanyi yavuze ko yashinze ishuri rusange ry’irihimbano maze afungura konti ya banki yo kwakiriraho amafaranga y’inkunga ya leta mu gihe kingana n’umwaka umwe mbere yuko ubwo butekamutwe bugaragara.

Yakoresheje amafaranga agura ibibanza bibiri muri Mavoko na Komarock mu Ntara ya Machakos hamwe n’imodoka ihenze.

Uyu muyobozi yakoraga nk’umunyamabanga mu ishami ry’iyi minisiteri rishinzwe uburenzi uburezi bw’ibanze kandi akorera ku cyicaro cya minisiteri I Nairobi.

Mu nshingano ze harimo kwinjiza muri mudasobwa amakuru yavaga muri raporo zo ku mpapuro zatanzwe n’abayobozi bashinzwe uburezi mu ntara.

EACC iragira iti: "Yari ashinzwe gutegura ingengabihe ikubiyemo ibisobanuro birambuye by’amashuri n’umubare w’abanyeshuri, ibisobanuro bya konti ndetse n’icyo buri shuri ryagombaga kubona hashingiwe ku makuru yo kwiyandikisha yatanzwe n’amashuri abinyujije ku bayobozi bashinzwe uburezi mu Ntara." .

Hagati ya Kanama 2017 na Kamena 2018, ubwo yateguraga ingengabihe y’amashuri yagombaga guhabwa amafaranga y’inkunga, Bwana Momanyi yashyizemo izina ry’ishuri ryisumbuye ritabaho ryitwa Mundeku Secondary School mu gace ka Khwisero, mu ntara ya Kakamega. Yatanze kandi konti ya banki y’ishuri ritabaho.

Kubera iyo mpamvu, yakiriye mu buriganya amafaranga yatanzwe na minisiteri angana na 11,131,305 kuri konti ye bwite muri Equity Bank.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

DR Congo: UNHCR ’ntigishoboye’ kwita ku bibazo by’impunzi

Ishami rya ONU ryita ku mpunzi UNHCR muri DR Congo ryatangaje ko kubera...
3 August 2022 1

Isaha ya Hitler yagurishijwe miliyoni $1.1 muri cyamunara yakuruye...

Isaha bivugwa ko yari iy’umukuru w’aba Nazi Adolf Hitler yagurishijwe muri...
30 July 2022 0

Gen.Muhoozi yabwiye amagambo akora ku mutima umuhungu wa Perezida Kagame...

Umugaba Mukuru w’Ingabo zirwanira ku Butaka za Uganda, Lt Gen Muhoozi...
29 July 2022 0

Tanzania: Imodoka itwara abanyeshuri yarenze umuhanda ihitana abarenga...

Abanyeshuri umunani n’abantu bakuru babiri bikekwa ko ari abarimu ndetse...
26 July 2022 0

Kenya: Imodoka yari itwaye abagenzi yataye umuhanda ihitana abarenga...

Abantu basaga 34 bahise bapfa bahitanywe n’impanuka muri Kenya, nyuma y’aho...
25 July 2022 0

’Monkey pox’ yiyongereye kuri Covid 19 nk’ibyorezo bibangamiye...

Indwara yamenyekanye nk’ikomoka ku nguge yitwa ’monkey pox’ yamaze gutangazwa...
25 July 2022 0