skol
Kigali

Mayor mushya wa Johannesburg yapfiriye mu mpanuka y’imodoka

Amakuru   Yanditswe na: Dusingizimana Remy 20 September 2021

Perezida w’Afurika y’epfo Cyril Ramaphosa yahaye icyubahiro uwari umuyobozi mushya w’umujyi wa Johannesburg, nyuma y’urupfu rwe mu mpanuka y’imodoka ku myaka 46.


Jolidee Matongo yari arimo kwiyamamazanya hamwe na Bwana Ramaphosa mbere yuko iyo mpanuka y’imodoka iba.

Amakuru y’uko byagenze ni macye, ariko ibitangazamakuru byaho byerekanye amafoto agaragaza imbere h’imodoka hangiritse bikomeye.

Bwana Matongo yari Mayor wa Johannesburg kuva ku itariki ya 10 y’ukwezi kwa munani, nyuma y’urupfu rw’uwo yasimbuye wishwe n’ibibazo bitewe na Covid.

Ibitangazamakuru byo muri icyo gihugu bivuga ko yari umuhungu w’umwimukira ukomoka muri Zimbabwe.

Kandi ko yari yarabaye impirimbanyi muri politiki muri Afurika y’epfo kuva afite imyaka 13, agakora ubukangurambaga bwo kwamagana ubutegetsi bw’ivanguramoko bwa ba nyamucye b’abazungu bwa apartheid bwariho icyo gihe.

Yari umuyoboke w’ishyaka African National Congress (ANC) riri ku butegetsi, ndetse yari yitezweho kuba arangaje imbere ibikorwa byo kwiyamamaza byaryo byo gushaka kwegukana intsinzi muri Johannesburg - umurwa mukuru w’ubucuruzi w’iki gihugu - mu matora y’inzego z’ibanze ateganyijwe kuba ku itariki ya mbere y’ukwezi kwa 11.

Mu kumuha icyubahiro, Perezida Ramaphosa yagize ati: "Biragoye kwiyumvisha ibi byago, kubera imbaraga n’umurava Mayor Matongo yari afite aganira nanjye n’abaturage ba Soweto mbere gato cyane y’urupfu rwe.

"Nta kintu na kimwe gishobora gutegurira uwo ari we wese muri twe kwakira uru rupfu rutunguranye, rwambuye agace [centre] k’ubukungu k’igihugu cyacu mayor wako wa kabiri mu mezi abiri ashize".

Herman Mashaba, wahoze ari Mayor wa Johannesburg akaba ubu ari umukuru w’ishyaka ritavuga rumwe n’ubutegetsi rya ActionSA, yavuze ko we na Bwana Matongo bagiye bagira ibyo batumvikanaho muri politiki mu buryo bukomeye, ariko ko buri gihe "yitaga cyane ku mubano wihariye" wabo.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Tanzania yakuyeho itegeko ryabuzaga abakobwa batwite kwiga

Leta ya Tanzania yavuze ko yakuyeho itegeko ryari rimaze imyaka 19,...
25 November 2021 0

Kenya: Hashyizweho itegeko ry’uko utarakingiwe Covid-19 nta serivisi n’imwe...

Leta ya Kenya igiye gushyiraho ibwiriza ry’uko guhera mu kwezi gutaha...
22 November 2021 1

Umuti wa mbere wa SIDA uterwa mu rushinge wemejwe

Abantu ibihumbi n’ibihumbi barwaye Virusi itera SIDA bagiye guhabwa umuti...
20 November 2021 0

Miliyoni z’amadolari z’imari ya leta zohererejwe inshuti za Joseph Kabila ari...

Kompanyi z’umuryango n’inshuti za Joseph Kabila wahoze ari Perezida wa...
19 November 2021 0

Ubuhinde: Umukobwa w’imyaka 16 yavuze ko amaze gusambanywa ku ngufu...

Nibura abagabo barindwi bafatiwe mu burengerazuba bw’Ubuhinde nyuma y’AHO...
18 November 2021 0

Cambodia: Abantu 7 bahitanwe n’imvange y’ibinyobwa banyoye bari mu kato ka...

Abakozi barindwi bo muri Kamboje bapfuye nyuma yo kunywa inzoga bahawe...
13 November 2021 0