skol
Kigali

Melania Trump yavuze ko umuhungu wabo Barron yari afite Coronavirus

Amakuru   Yanditswe na: Dusingizimana Remy 15 October 2020

Barron, umuhungu w’imyaka 14 wa Perezida Donald Trump w’Amerika, yanduye coronavirus ariko nyuma ntayo bamusanzemo, nkuko byahishuwe na nyina Melania Trump.


Madamu Trump yavuze ko ubwoba yagiraga "bwahindutse impamo" ubwo umuhererezi wabo Barron bamusangagamo Covid-19.

Ariko, yavuze ko "by’amahirwe ni umwana w’ingimbi ukomeye kandi nta bimenyetso yagaragaje".

Perezida Trump na Madamu we na bo babasanzemo coronavirus - cyo kimwe n’abandi bakozi bamwe bo mu biro bya White House - ariko ubu ngo barorohewe.

Ku cyumweru, muganga bwite wa Trump yavuze ko uyu Perezida nta byago ubu afite byo kwanduza abandi.

Nyuma yaho, ari mu gikorwa cyo kwiyamamaza ejo ku wa gatatu mu mujyi wa Des Moines muri leta ya Iowa, Bwana Trump yagize ati:

"[Barron] Yari ayifite mu gihe kigufi cyane".

Ati: "Sinatekereza ko yabimenye ko yari ayifite kuko baracyari bato kandi abasirikare b’imibiri yabo baba bakomeye bakayirwanya bakayitsinda".

Yongeyeho ati: "Barron ni mwiza kandi ni umuntu wigenga".

Perezida Trump yatanze urugero rw’uko umuhungu we nta coronavirus agifite nk’impamvu amashuri yo muri Amerika akwiye kongera gufungura vuba hashoboka.

Ibyo byo kongera gufungura amashuri byamaganywe n’amashyirahamwe arengera inyungu z’abarimu.

Ayo mashyirahamwe afite ubwoba ko abarimu bashobora kwanduzwa Covid-19 n’abanyeshuri.

Perezida Trump yabwiye imbaga y’abitabiriye igikorwa cye cyo kwiyamamaza ati:

"Barron bayimusanzemo. Mu gihe nk’icy’amasegonda abiri, twumva ngo Barron ameze neza. Basanze ntayo afite, si byo?

"Kubera ko bibaho. Abantu barayigira hanyuma ikagenda. Musubize abana ku ishuri".

Amakusanyabitekerezo agaragaza ko Bwana Trump ari kurushwa amahirwe menshi yo gutorwa n’umukandida-perezida Joe Biden w’ishyaka ry’abademokarate.

Amatora ya perezida muri Amerika azaba ku itariki ya 3 y’ukwezi gutaha kwa cumi na kumwe.

Madamu Trump yahishuye ko umuhungu wabo Barron bamusanzemo Covid-19 nyuma yaho ntibayimusangemo, abinyujije mu nyandiko yatangaje ku rubuga rwa internet rwa White House.

Iyo nyandiko yayise "My Personal Experience with COVID-19", cyangwa "Uko Nabanye na COVID-19", ugenekereje mu Kinyarwanda.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

US: Igiti kinini kurusha ibindi ku isi kiri kurindwa inkongi iri kuyogoza...

Abarwanya inkongi bari kuzengurutsa ibiringiti bidashya ku biti bya cyera...
17 September 2021 0

Mozambique: Revocat Karemangingo wo mu bakuriye impunzi z’Abanyarwanda...

Umugabo wari mu bakuriye impunzi z’Abanyarwanda muri Mozambique yishwe...
14 September 2021 0

Perezida Tshisekedi yemeye urukingo rwa Moderna rwa Covid-19 nyuma yo...

Perezida wa Repuburika iharanira Demokrasi ya Congo, Felix Tshisekedi,...
13 September 2021 0

Uwahoze ari kardinali muri US amerewe nabi n’inkiko ashinjwa gusambanya...

Uwahoze ari kardinali wa kiliziya Gatokika muri Leta Zunze Ubumwe za...
5 September 2021 0

Burundi: Abantu 8 baraye baguye mu mpanuka y’urusengero abandi 20...

Abantu umunani baraye bapfuye bahitanywe n’isenyuka ry’urusengero ruri...
5 September 2021 0

RDC: Abantu 12 bahitanwe n’amazi y’umugezi yagiyemo uburozi bwaturutse mu...

Leta ya Repubulika iharanira demokarasi ya Kongo yatangaje ko abantu 12...
4 September 2021 0