Hari hashize imyaka irenga ibiri igihugu cya Nouvelle Zelande kitemera kwakira abagenzi baza bavuye mu mahanga kubera ikiza cya Covid 19 .

Sponsored Ad

Hari hashize imyaka irenga ibiri igihugu cya Nouvelle Zelande kitemera kwakira abagenzi baza bavuye mu mahanga kubera ikiza cya Covid 19 .

Kuva mu ijoro ryakeye , iki gihugu cyemeye gusubukura ingendo no kwakira abaza bakigana bavuye mu bihugu byo hanze nyuma y’aho babonye ko isi yamaze gufata ingamba zo guhashya Covid 19.

Nouvelle Zelande iri mu bihugu byafashe ibyemezo bikakaye byo kwirinda Virusi ya Corona binyuze mu gukumira abagenzi, Ni igihugu ubundi kigendererwa cyane kubera ubwiza nyaburanga bukigize.
Abagenzi bongeye kwemererwa kugenderera Nouvelle Zelande n’ abakomoka mu bihugu birenga 60 birimo ahanini iby’ u Buraya n’Amerika. Abanyagihugu bo muri Austrariya bo bari bamaze ibyumweru bike barakomorewe kukinjiramo.

Kwinjira ku butaka bwa Nouvelle Zelande biracyari itegeko ko ugomba kwerekana ko wikingije doze zose za Covid-19, n’igipimo cya Covid-19 cyerekana ko nta bwandu umuntu afite.

Abagenzi bo mu Bushinwa no mu Buhindi bo bari mu bataremererwa kwinjira ziri muri Nouvelle Zelande.
Indege zisaga 43 zivuye mu mahanga zahise zisesekera ku bibuga zitwaye abagenzi bakabakaba ibihumbi 9000 biganjemo abo mu bihugu by’amahanga n’abaturage ba Nouvelle Zelande bari barahejejwe hanze ubwo igihugu cyabo cyafungaga ibibuga by’indege.