Umujenerali ukomeye mu Burusiya wari uheruka kwirukanwa na Perezida Vladimir Putin yasanzwe yapfuye bikekwa ko yaba yiyahuye.
Major General Vladimir Makarov w’imyaka 67,yari ashinzwe kurwanya abahezanguni barwanya ubutegetsi bwa Putin ariko yasanzwe yapfuye mu gitonxo cyo kuri uyu wa Mbere.
Uyu bivugwa ko yari ashinzwe guhiga bukware abanenga ubutegetsi bwa Putin barimo n’abanyamakuru badakozwa ingoma ya Kremlin.
Makarov kandi yari ashinzwe guhangana n’abakiri bato batayoboka Putin. (...)

Sponsored Ad

Umujenerali ukomeye mu Burusiya wari uheruka kwirukanwa na Perezida Vladimir Putin yasanzwe yapfuye bikekwa ko yaba yiyahuye.

Major General Vladimir Makarov w’imyaka 67,yari ashinzwe kurwanya abahezanguni barwanya ubutegetsi bwa Putin ariko yasanzwe yapfuye mu gitonxo cyo kuri uyu wa Mbere.

Uyu bivugwa ko yari ashinzwe guhiga bukware abanenga ubutegetsi bwa Putin barimo n’abanyamakuru badakozwa ingoma ya Kremlin.

Makarov kandi yari ashinzwe guhangana n’abakiri bato batayoboka Putin.

Putin yatanze itegeko ryo kwirukana uyu mujenerali mu kwezi gushize nkuko bivugwa.Icyakora ntabwo impamvu yabimuteye yatangajwe.

Ibinyamakuru by’aho bivuga ko umugore wa Makarov,Valentina,yari kumwe n’uyu mugabo we mu nzu yabo ahitwa Golikovo hafi ya Moscow ahagana saa moya za mu gitondo ubwo yumvaga isasu.

Amakuru avuga ko basanze iruhande rw’uyu mugabo imbunda yo mu bwoko bwa Berkut-2M ikoreshwa mu guhiga. Abandi bavuga ko ari masotera bahasanze.

Uyu mugore ngo yahise amenyesha umwe mu bagize umuryango,anahamagara ambulance gusa abaganga ntibabashije kumutabara arapfa.

Umuryango wa nyakwigendera wahaswe ibibazo na komite ishinzwe iperereza y’Uburusiya nkuko ikinyamakuru Moskovsky Komsomolets,kibitangaza.

Iki cyavuze ko mu rugo rw’uyu musirikare ukomeye habikwaga imbunda.

Abagize umuryango we bavuga ko yataye umutwe abura icyo gukora ubwo yari amaze kwirukanwa na Putin ari byo bishobora kuba byamuteye kwiyahura.

Uyu ngo yagize ibibazo byo mu mutwe nyuma yo kwirukanwa na Perezida.