skol
fortebet

Tanzania: Perezida Samia Suluhu yakingiwe Covid-19 asaba Abatanzania bose nabo kwikingiza

Yanditswe: Wednesday 28, Jul 2021

featured-image

Sponsored Ad

Yakomeje kuvuga ko abantu badakwiye kumutandukanya na Magufuli yabereye Visi-Perezida, ariko biragoye kuko imyanzuro afata Magufuli yayamaganye inshuro zitabarika.

Sponsored Ad

Perezida Samia Suluhu Hassan uyobora Tanzania kuva muri Werurwe 2021 nyuma y’urupfu rwa Dr John Joseph Pombe Magufuli, yakingiwe Covid-19 kuri uyu wa 28 Nyakanga 2021.

Si we gusa wafashe doze ya mbere. Hari n’abandi bayobozi bakuru muri Leta barimo Minisitiri w’Ububanyi n’Amahanga, Liberata Rutageruka Mulamula na we wakingiwe.

Madamu Samia Suluhu yahinduye ibintu afata undi murongo, asaba rubanda gukurikiza amabwiriza yo kwirinda iki cyorezo.

Mu minsi ishize, Tanzania yakiriye doze miliyoni imwe y’inkingo za Johnson & Johnson zivuye mu mugambi wa Covax wo kugeza izi nkingo ku bihugu bikennye.

Ubu bwoko bw’inkingo za Johnson & Johnson abarutewe bahabwa doze imwe.

Mu muhango wo gutangiza gukingira, Perezida Samia Suluhu yasabye Abatanzania bose kwikingiza kandi ko hazaboneka izindi doze nyinshi z’inkingo.

Yavuze ko atazaganisha igihugu mu nzira yakijyana mu kaga kuko ari umubyeyi, nyirakuru w’abana na perezida.

Samia w’imyaka 61 yagize ati: "Kuva mvutse nafashe inkingo nyinshi kandi izo twahawe tukiri impinja zaraturinze iyo myaka yose, rero nta mpungenge mfite."

Perezida Samia yakomeje ati, “Uyu munsi dutangiye gukingira, turabizi ko inkingo ari nke ugereranyije n’abazikeneye nubwo hari n’abatazishaka ariko ni bo bake, abantu barambaza ngo twe tuzakingirwa ryari?.

Ndizeza abakeneye gukingirwa ku bushake ko tuza gukora ibyo bwabaga babone inkingo, gukingirwa ni ukubyiyemeza kandi bisaba kwizera”

Abanyamuziki baririmbye indirimbo ishishikariza abantu kwikingiza no kwirinda Covid, nubwo muri uwo muhango bahererekanyaga indangururamajwi ebyiri (microphones) batazihanaguje umuti wica imyanda n’udukoko dutera indwara.

Ku wa kabiri, umukuru w’ikigo cyo kwirinda no kurwanya ibyorezo cy’ubumwe bwa Africa (Africa CDC) yashimye Samia Suluhu gushyiraho ingamba zo kwirinda ikwirakwira rya Covid.

Perezida Magufuli yari yararahiye ko atazemera ko inkingo za Covid-19 zigera muri Tanzania, avuga ko inkingo z’abazungu ziba zigamije kwangiza Abirabura.

BBC

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa