skol
Kigali

Ubushinwa: Indege yakoze impanuka yahitanye abantu bose bari bayirimo [YAVUGURUWE]

Amakuru   Yanditswe na: Dusingizimana Remy 21 March 2022

Indege ya Boeing 737-800 ya kompanyi yitwa China Eastern Airlines yakoze impanuka igwa mu mpinga y’umusozi i Tengxian, muri Guangxi, irimo abagenzi 132, nk’uko byatangajwe na CCTV.

Yahanukiye hafi y’umujyi wa Wuzhou mu ntara ya Guangxi ihana imbibi na Guangzhou, umujyi munini mu majyepfo ashyira iburasirazuba.

Ubuyobozi bw’ikigo gishinzwe indege za gisivili mu Bushinwa (CAA) bwatangaje ko muri iyo ndege harimo abagenzi 123 n’abakozi bayo icyenda.

Nk’uko ibitangazamakuru byo mu Bushinwa bibitangaza, iyi mpanuka y’iyi ndege ya Boeing 737 yateje umuriro mwinshi kuri uwo musozi bituma ibiti n’imigano byari biwuriho bishya.

Abantu bose bari bayirimo bose bari Abashinwa bahise bapfa nyuma yo kumara iminota irenga 2 ihanuka iturutse mu kirere cyane ko ngo yari hejuru cyane.

Amakamyo 23 n’abantu 117 batabara bahise berekeza kuri uyu musozi yaguyeho ariko basanze nta warokotse ndetse ubuyobozi bwa Boeing ntacyo bwatangaje.

umuhanga mu by’indege witwa Arthur Rowe, yagize ati "Biragaragara ko habuze uburyo uburyo bwo kuyiyobora kubera ko yari hejuru cyane."

Amakuru avuga ko iyi ndege nta kibazo cya moteri yagize kuko ngo indege ishobora kugenda igihe runaka nta moteri n’imwe ikora.

Urugendo MU5735 rw’iyi ndege yavuye i Kunming saa 13:11 ku isaha yaho (05:11 GMTna saa moya na 15 zo mu Rwanda) kandi byari biteganijwe ko igera i Guangzhou saa 15:05.

Abakozi bashinzwe ubutabazi boherejwe muri kariya gace. CAA nayo yavuze ko nabo bohereje abakozi aho byabereye.

Ibikoresho bikurikirana indege byagaragaje ko iyi ndege yari imaze isaha imwe gusa mu kirere, kandi yari yegereje kugera aho yerekezaga.

Amakuru ya nyuma y’urubuga FlightRadar24 yerekana urugendo rw’iyi ndege rwarangiye saa 14:22 ku isaha yaho, iri ku butumburuke bwa 982m.

Mu myaka igera ku 10 ishize Ubushinwa bufite amateka meza mu by’indege zitwara abantu.

Impanuka y’indege ikomeye iheruka mu Bushinwa ni iyo muri Kanama (8) 2010 aho indege yahanutse ahitwa Yichun ikica abantu 42.

Iyi ndege yakoze impanuka yahawe Ubushinwa muri 2015 ikaba yakoze impanuka imaze imyaka 6 ikora

Muri 2018, Indege ya Lion Air 610 yo mu bwoko bwa Boeing 737 Max yakoze impanuka ihitana abantu 189, naho indi ya 737 Max ya Kompanyi Ethiopian Airlines yakoze impanuka muri 2019 ihitana abantu 157. Indege zose zitwara abagenzi Boeing 737 MAX zahagaritswe kwisi yose nyuma y’izi mpanuka zombi.

Indege za Boeing 737-800 na 737 Max zikomeje kuvumwa na benshi kubera ukuntu zikomeje guhitana abantu benshi.


Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Uko Lt Colonel Phénéas Munyarugarama washinjwaga Jenoside yapfiriye mu...

Urwego rwa ONU rurangiza imirimo yasizwe n’urukiko mpuzamahanga...
19 May 2022 0

Munyarugarama Phénéas wari ugishakishwa kubera ibyaha bya Jenoside yapfuye...

Urwego Mpuzamahanga Rwashyiriweho Gukora Imirimo y’Insigarira y’Inkiko...
18 May 2022 0

Wa Mukobwa w’umunya Uganda byavuzwe ko yiyahuye asimbutse ku igorofa i Dubai...

Musaza wa wa mukobwa w’Umunya Uganda uzwi ku izina rya Monica Karungi...
15 May 2022 0

Koreya ya Ruguru: Perezida Kim Jong-un yatangaje akaga ku gihugu kubera...

Ibinyamakuru byo muri Korea ya Ruguru bitangaza ko Perezida wabo Kim...
14 May 2022 0

Perezida wa UAE yahitanwe n’uburwayi asiga umutungo w’asaga miliyari 120...

Perezida wa Leta Zunze Ubumwe z’Abarabu, Sheikh Khalifa bin Zayed al Nahyan,...
13 May 2022 0

Espanye: Abagore bababara bari mu mihango bazajya bahabwa ikiruhuko mu...

Bamwe mu bagore bakunze kubabaza bikomeye n’imihango mu gihe bayigiyemo, aho...
13 May 2022 0