skol
Kigali

Umugore wa Rusesabagina yatakambiye USA ngo itegeke u Rwanda rurekure umugabo we

Amakuru   Yanditswe na: Dusingizimana Remy 30 December 2021

Madamu Taciana Rusesabagina, umugore wa Paul Rusesabagina arasaba Leta Zunze ubumwe z’Amerika kwinjira mu kibazo cy’umugabo we ufungiye mu Rwanda akarekurwa ku mpamvu zo gutabara ubuzima bwe.

Ibi Madamu Rusesabagina yabisabye binyuze mu nyandiko yasohowe n’ikinyamakuru Washington Post cyandikirwa muri Leta Zunze Ubumwe z’Amerika kuri uyu wa kabiri.

Umutwe w’iyi nyandiko ndende iri mu rurimi rw’Icyongereza ugenekereje mu Kinyarwanda ugira uti: “umugabo wanjye yemeye guhara ubuzima bwe arinda abantu amagana mu Rwanda. Ubu nawe akeneye ubufasha bwacu.”

Madamu Rusesabagina avuga ko umwaka umaze kurangira umugabo we ashutswe akavanwa i Texas akajyanwa ku wundi mugabane kuburanishwa ndetse ko icyaha umugabo we azira ari ugukoresha ijwi rye.

Uyu mugore avuga ko yagarutse ku mateka y’umugabo we muri Jenoside yakorewe Abatutsi muri 1994 ko yakoresheje amagambo ye n’ubwenge mu kurokora abantu barenga 1000 bikamuhesha umudali muri 2005.

Muri iyo nyandiko,Madamu Rusesabagina yavuze ko we n’umugabo we bamaze imyaka 20 baharanira gutsimbakaza demokarasi,ubumwe n’ubwiyunge mu Rwanda.

Uyu mugore yavuze ko umugabo ngo yabaye ijwi ry’abatagira kivugira ndetse asaba ko mu Rwanda haba demokarasi.

Uyu mugore yavuze ko umugabo yafunzwe mu buryo bunyuranyije amategeko,iyicwarubozo no kumara igihe kinini afungiye mu kato.

Madamu Rusesabagina yavuze ko urubanza rwa Rusesabagina ari ikinamico yari igamije gucecekesha uwari ku isonga mu kunenga ubutegetsi.

Uyu mugore yavuze ko icyaha Rusesabagina azira kuba impirimbanyi y’uburenganzira bwa muntu.

Madamu Rusesabagina yavuze ko umugabo we arwaye kanseri n’uburwayi bw’umutima asaba Amerika gusaba u Rwanda kurekura umugabo we ku mpamvu zo kurokora ubuzima bwe.

Tariki 20 Nzeri 2021,Urugereko Rwihariye rw’Urukiko Rukuru ruburanisha imanza mpuzamahanga n’izambukiranya imbibi rwakatiye igifungo cy’imyaka 25 Rusesabagina Paul nyuma yo guhamwa n’ibyaha binyuranye birimo n’iby’iterabwoba.

Rusesabagina w’imyaka 67 yagizwe umwere ku cyaha cyo kurema umutwe w’ingabo utemewe.

Urukiko rushingiye ku byo Paul Rusesabagina yemereye urukiko, ubuhamya bwa bagenzi be, inyandiko zafatiwe muri mudasobwa ye n’ibyo yavuganye n’abandi kuri WhatsApp, byerekana ko yashinze Umutwe wa FLN, anaba muri MRCD.

Source: IJWI RY’AMERIKA

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Inkuru y’umugabo umwe rukumbi warokotse impanuka y’ubwato

Ifoto y’umuntu umwe gusa warokotse ari ku bwato bwabirindutse bwari burimo...
28 January 2022 0

Perezida Suluhu wagize isabukuru yavuze byinshi ku buzima bwe birimo...

Uyu munsi Perezida Samia Suluhu Hassan wa Tanzania yujuje imyaka 62...
27 January 2022 0

Perezida Ndayishimiye yagaragaye avuna Sambwe anavuza ingoma z’Abarundi nta...

Perezida Evariste Ndayishimiye w’u Burundi yasuye imwe mu nzu ndangamuco...
20 January 2022 0

Ibrahim Boubacar Keïta wabaye Perezida wa Mali yitabye Imana

Ibrahim Boubacar Keïta wahoze ayobora Mali mbere y’uko ahirikwa ku butegetsi...
16 January 2022 0

Abantu 5 bo mu muryango umwe bahitanwe icyarimwe n’impanuka y’imodoka

Kuwa Gatanu w’icyumweru gishize,nibwo hashyinguwe abantu 5 bo mu muryango...
11 January 2022 0

USA: Yabaye umuntu wa mbere utewemo umutima w’ingurube yakujijwe mu...

Bwa mbere mu mateka, muri Leta zunze Ubumwe za Amerika, umurwayi witwa...
11 January 2022 0