Umunyarwandakazi ari mu bantu 19 bazize impanuka y’indege ya kompanyi ya Precision Air yo muri Tanzaniya,kuri iki cyumweru,tariki ya 06 Ugushyingo 2023.
Hanifa Hamza w’imyaka 29 y’amavuko,wabyawe na nyina wo mu Rwanda na se wo muri Tanzaniya, yari mu ndege ya Precision Air,urugendo PW 494, yaguye mu kiyaga cya Victoria mu rukerera rwo ku cyumweru, tariki ya 6 Ugushyingo.
Iyi ndege, yavaga mu mujyi wa Dar es Salaam ukomeye mu bucuruzi bwa Tanzaniya yerekeza i Mwanza inyuze i Bukoba, yarimo (...)

Sponsored Ad

Umunyarwandakazi ari mu bantu 19 bazize impanuka y’indege ya kompanyi ya Precision Air yo muri Tanzaniya,kuri iki cyumweru,tariki ya 06 Ugushyingo 2023.

Hanifa Hamza w’imyaka 29 y’amavuko,wabyawe na nyina wo mu Rwanda na se wo muri Tanzaniya, yari mu ndege ya Precision Air,urugendo PW 494, yaguye mu kiyaga cya Victoria mu rukerera rwo ku cyumweru, tariki ya 6 Ugushyingo.

Iyi ndege, yavaga mu mujyi wa Dar es Salaam ukomeye mu bucuruzi bwa Tanzaniya yerekeza i Mwanza inyuze i Bukoba, yarimo abagenzi 43 barimo n’abakozi bayo, ubwo yakoreraga impanuka mu mujyi wa Bukoba uherereye mu majyaruguru ashyira Uburengerazuba bw’igihugu.

Biteganyijwe ko impanuka yabereye muri metero 100 uvuye ku kibuga cy’indege igwa mu kiyaga kandi ibyabaye bivugwa ko byatewe n’ikirere kibi.

Mubyara wa Hamza Laetitia Musomandera yemeje ko yapfuye mu kiganiro yahaye The New Times dukesha iyi nkuru kuri uyu wa mbere.

Uyu Mugangakazi yari yerekeje mu karere ka Karagwe, ari naho yakuriye.

Abaturage ba Bukoba muri Tanzania bari kumwe na Minisitiri w’intebe Kassim Majaliwa basezeye kandi baha icyubahiro aba bantu 19 bapfiriye muri iyi ndege,kuri uyu wa Mbere.

Precision Air ivuga ko abantu 24 barokotse iyi mpanuka y’indege yariho yururuka ngo igwe ku kibuga cy’indege cya Bukoba mu majyaruguru ashyira uburengazuba bwa Tanzania.