Umusaza witwa Jacob Ocholla Mwai ufite imyaka 62 yagiye mu nkiko kurega asaba uburenganzira bwo guhabwa uburenganzira nk’ubw’abandi bana ba Nyakwigendera Mwai Kibaki kuko yamubyaye akamwirengagiza.
Uyu musaza ahamya ko nyina yamubyaranye na Nyakwigendera Mwai Kibaki ndetse ngo ni imfura mu muryango w’uyu munyapolitiki nubwo yarerewe ahandi.
Bwana Ocholla Mwai yaregeye urukiko asaba ko yahabwa umugabane nk’abandi bana b’uyu nyakwigendera wahoze ayobora Kenya.
Uyu musaza yagiye mu rukiko kubaza (...)

Sponsored Ad

Umusaza witwa Jacob Ocholla Mwai ufite imyaka 62 yagiye mu nkiko kurega asaba uburenganzira bwo guhabwa uburenganzira nk’ubw’abandi bana ba Nyakwigendera Mwai Kibaki kuko yamubyaye akamwirengagiza.

Uyu musaza ahamya ko nyina yamubyaranye na Nyakwigendera Mwai Kibaki ndetse ngo ni imfura mu muryango w’uyu munyapolitiki nubwo yarerewe ahandi.

Bwana Ocholla Mwai yaregeye urukiko asaba ko yahabwa umugabane nk’abandi bana b’uyu nyakwigendera wahoze ayobora Kenya.

Uyu musaza yagiye mu rukiko kubaza ko Mwai Kibaki wahoze ari Umukuru w’igihugu cya Kenya yaba yaramwibutse nibura akagira icyo amusigira nk’umwana we.

Bwana Jacob Ocholla Mwai yifuza ko urukiko ruhatira umuryango wa nyakwigendera Kibaki kumumenya nk’umuhungu w’imfura w’uyu Perezida wa gatatu wa Kenya no kumuha umugabane ungana n’uw’abandi bana be.

Bwana Ocholla wavukiye i Kaloleni, i Nairobi, muri Nyakanga 1960, avuga ko nyuma yuko umugabo wamureraga Hillary Ocholla apfuye ku ya 28 Mutarama 1981, nyina yamwicaje amubwira ko nyakwigendera ari uwamureze atari se wamubyaye.

Yakomeje avuga ko nyina “yamusezeranyije ko azamufasha gusura se wa nyawe”.

Ocholla Mwai mu nyandiko ye yagize ati“Nicyo kintu gitangaje cyane numvise. Amakuru yanteye ubwoba kandi nsigarana ibibazo byinshi bidafite igisubizo.Igihe cyose nakuze nzi ko ndi umu Luo, ariko naje kumenya ko ntari we. ”

Bwana Ocholla avuga ko muri Werurwe 1981, yaherekeje nyina kuri Hoteli Hilton i Nairobi, aho yahuye n’uwari Visi-Perezida icyo gihe Mwai Kibaki.

Ati: “Igihe cyarageze ngo duhure na we, ndetse n’igihe yagendaga kuri Amboseli Grill Foyer muri hoteri ya Hilton, sinamenye ko ari data, kuko yari umuntu nari nzi kuva nkiri muto. Yaraje yicara iruhande rwanjye. Igihe amabwiriza yatangwaga, mama yatangaje amakuru avuga ko Kibaki ari data wambyaye.

Yampamagaye mu izina.Yari inshuti magara ya papa wandeze , bombi bari abanyeshuri i Makerere. Mu by’ukuri, muri Uganda niho yahuriye na mama ubwo yasuraga papa wanderaga, Ocholla. Bombi bari abaturanyi kuri Bahati Estate i Nairobi. ”

Nyuma yo kujya mu zabukuru, nagerageje kenshi kumusura mu rugo rwe rwa Muthaiga igihe yari arwaye, kandi igihe yapfaga, nabujijwe kumwunamira. Umwunganizi wanjye, Dr John Khaminwa, yasabye umuryango n’Umushinjacyaha Mukuru kundeka biranga. ”

Bwana Ocholla, avuga ko Kibaki ashobora kuba yaranditse umurage we. Arashaka rero kumenya uwagenwe kuba umuyobozi wo kugaba umutungo wa Kibaki nabagomba kubyungukiramo.

Mu mpaka z’izungura zatangiye ku ya 15 Nyakanga mu rukiko Rukuru, usaba agaragaza ko afite ubwoba ko ashobora kwirengagizwa mu gihe cy’izungura rya nyakwigendera Kibaki.

Bwana Ocholla avuga ko asa na Kibaki. Yashyize hanze amafoto avuga ko abantu benshi bavuze ko asa na nyakwigendera.

Nk’uko bigaragara mu nyandiko z’urukiko, Ocholla avuga ko yahisemo gushyira ahagaragara umubyeyi we atakiriho kuko igihe Kibaki yari akiri muzima,yamubujije.

Yavuze ko igihe babonanaga bwa mbere, uyu wahoze ari Perezida atemeye gusa ko ari se wamubyaye, ahubwo yanamusabye ko yamwubaha nka se. Avuga ko Kibaki yakomeje amusaba kudakora ikintu cyose cyatukisha izina Kibaki.

Umucamanza Muchemi yategetse ko uru rubanza ruzashyikirizwa urukiko ku ya 19 Nzeri 2022. Umucamanza yategetse kandi umuryango wa Kibaki gutanga ibisubizo byabo mu minsi 21.

Mwai Kibaki wabaye Perezida wa gatatu wa Kenya yapfuye, ku myaka 90 y’amavuko,kuwa 22 Mata 2022.Yabaye perezida wa gatatu wa Repubulika ya Kenya kuva 2002 kugeza 2013.