Indwara ya Shishikara yabaye nk’icyorezo muri Zimbabwe, kuko ubu imaze guhitana abana babarirwa mu 157, n’abandi bagera ku 2000 bakiyirwaye mu gihugu.

Sponsored Ad

Indwara ya Shishikara yabaye nk’icyorezo muri Zimbabwe, kuko ubu imaze guhitana abana babarirwa mu 157, n’abandi bagera ku 2000 bakiyirwaye mu gihugu.

Minisitiri w’itangazamakuru muri iki gihugu, Monica Mutsvangwa, yabwiye abanyamakuru kuri uyu wa kabiri ko abamaze kwandura shishikara bagera ku bihumbi 2,056 bariwo n’abo bana 157 bapfuye.

Mutsvangwa yavuze ko leta igiye gutangira igikorwa cyo gutanga urukingo rwa shishikara no gusaba leta gushyira amafaranga mu kigega byihutirwa kugirango bahangane byimbitse n’iyi ndwara.

Minisiteri y’ubuzima muri Zimbabwe yatangaje ko iyo ndwara yakwirakwiye ivuye mu nsengero zikoraniramo abakristu.

Mu kwezi kwa kane, ishyirahamwe mpuzamahanga ryita ku buzima OMS, ryavuze ko Afrika iri mu bihe indwara zikingirwa ziyongereye kubera gutinda kuzikingira abana.

OMS yavuze kandi ko abana bandura shishikara biyongereye kugera ku kigero cya 400 kw’ijana kuri uyu mugabane w’Afurika.